Vairengte, Phaisen, Buarchep leh Saihapui V-ah te agriculture land record beihpui thlak tum a ni :LR&S Minister

#ZabilianZ May 26, 2026: Land Revenue & Settlement (LR&S) Minister B. Lalchhanzova'n ramri khaw thenkhat - Vairengte, Phaisen, Buarchep leh Saihapui V-ah te agriculture land record beihpui thlak tum a nih thu a sawi.

Thuthar thehdarhtute kawmin he thu hi vawiin khan LR&S Minister chuan a sawi a. 'The Mizoram Survey and Settlement Operations Act, 2026' pawh buatsaih a nih thu leh Assembly fur thutkhawma pass hman beisei a nih thu a sawi.

The Mizoram Land Revenue Act, 2026 pawh buatsaih mek a nih thu leh kumin chhunga peihfel hman tum a nih thu LR&S Minister chuan sawiin, Apartment Ownership Act leh Revenue Court Manual pawh siam mek a nih thu a sawi.#zabilianznews

Surveyor 14 lak belh an nih thu leh district hrang hrang bakah a vawikhat nan Vairengte leh Thenzawl Sub Division-ah te dah an nih thu LR&S Minister chuan a sawi a. Thawktu dang engemawzat la tura hmalak leh mek a nih thu sawiin, Revenue Dept-a post 518 awmah 259 hnawhkhah mek a nih thu leh 259 hnawhkhah ngai a awm mek thu a sawi.

Stamps & Registration ah tanlak a nih thu sawiin, kum hnih/kum thumah chuan Rs. vbc 50 vel lakluh theiha, kum nga/kum ruk ah chuan Rs. vbc 100 vel lakluh theih an inbeisei thu LR&S Minister chuan a sawi a. Heng bakah hian Revenue Dept. hmalakna leh hmachhawng engemawzat a sawi bawk.#zabilianz #zabilianznews #zofatehuapzo