#ZabilianZ June 21, 2026: Aizawl Mihlun Thlahte inkhawmpui lian -High Council- Aijal Club-a vawiina neih chu Lok Sabha MP Richard Vanlalhmangaiha'n telpuiin, "Aizawl khawpuiin hmangaihtu leh neitu thinlung pu mi a mamawh" a ti.
Sairang thlenga rel a luh hnu-ah Aizawl pawh khualzin ten an tlawh nasat lehzual thu Richard Vanlalhmangaiha chuan a sawi a. Aizawla cheng te chu kawng engkima inbuatsaiha, hmasawnna lam hawia ngaihtuahna seng turin a sawm a. Aizawl Mihlun Thlahte pawl a ding chu lawmawm a tih thu leh thlahtute avanga he pawla a tel ve thei chu lawmawm a tih thu a sawi bawk.
Aizawl Mihlun Thlahte inkhawmpui lianah hian an member chatuan ram panta mi 31 te sunna hun an hmang a. An member zinga ram hruaitu atana thlan - Richard Vanlalhmangaiha (Lok Sabha MP) leh Dr. Lalmalsawma Nghaka (AMC Corporator) te chawimawina thuziak an hlan.
MJA kaihhruaiin kum 2026 - 2028 chhunga an pawl hruaitu atan K. Liantlinga, Venghlui, John Rotluangliana, K. Vanlalnghaka, Dr. Vanlalruata, Zochhuanmawia leh V. Lalnunthara te an thlang bawk.
Aizawl Mihlun Thlahte hi kum 1950 hmalama Aizawla inbengbel tawh tu leh fa ten kum 2017 June ni 21 khan an din a, member 1666 an nei mek niin a sawi a ni.#zabilianz #zabilianznews #zofatehuapzo
0 Comments