#ZabilianZ June 21, 2026: Vawiin June ni 21, 2026 hi Mizoram Baptist Kohhran ni pawimawh -Relief Sunday- a ni a. He ni hi Mizoram Baptist tualchhung kohhran tinah -Pathian nen kan ti thei (Phillipi 4:13)- tih thupuia hmangin hman a ni ang.
Mizoram Baptist Kohhran chuan kum 2026-2027 chhunga relief Budget atan cheng nuai 10 a dah a. Tunhnaia ruah leh thli avanga Mizoram hmun hrang hranga harsatna tawk chhungkaw 58 hnenah tanpuina Rs. 2,76,000 a sem chhuak tawh bawk.#zabilianznews
Kum 1966-1968 vela Mizoramin hun khirh tak a tawn chhoh laiin India ram chhung leh pawn atangin Mizoram Baptist Kohhran-in kohhran te kaltlangin tanpuina (relief) a dawng thin a. Tanpuina mumal taka sem a nih theihna tur leh kohhran pawhin mipui mangangte tanpuina tur thawhlawm (Relief Fund) a bika siamin, kumtin June thla Pathianni vawithumna chu -Relief Sunday- atan an hmang thin ta a ni.
BCM Hqrs-ah chauh ni lovin bial leh tualchhung kohhranah pawh Relief & Development Committee din chho zelin, khuarel chhiatna, tui lian, leimin, thli leh rial, kangmei bakah thil dang avanga tanpui ngai te chhawmdawl hna leh tanpui hna an thawk chho ta zel a. Tualchhung budget atang leh pawn lam tanpuina an hmuh atangte in tanpuina an pe thin bawk.#zabilianz #zabilianznews #zofatehuapzo
0 Comments