Bike rutu-a puh mi pali Police-in man - an zingah kumtlinglo a tel

ZabilianZ June 10, 2026

#ZablilianZ June 10, 2026: Zemabawk venglai atanga bike rutu nia hriat mi pali - Saitual-a Saitual Police-in an man te chu thubuai ziahluhna Bawngkawn Police Station thlenpui an nih hnuah Court-a hruai niin, an zinga kum tling mi 3 te chu Court thupekin Jail-ah dah an ni a, kumtlinglo pakhat chu Juvenile Hustice Board kutah hlan a ni.

Tun thla ni 5 zing lam dar 2 velah Zemabawk venglai atangin Bike (Royal Enfield-Hunter) MZ-01 AD 0830 chu rukbo a nih thu Bawngbawk Police-in an dawng a. Bawhzui nghalin, a rubotute ni ngeia hriat mi pali - Samuel Lalmuanawma (18), Tanhril vengthar, Ronald C. Lalduhawma (19), Khatla East, Peter Vanlalnunpuia (25), Chawlhmun leh kumtlinglo pakhat te chu Saitual-ah Saitual Police-in an man.

Bike rutu-a puh te chuan an bike ruk chu Manipur ami Ema tia koh hnenah Rs. 45,000-in an hralh a, Ngopa dai-ah bike chu an inhlan niin Police hnenah sawiin, bike leitu address chu chiang tak an hriatloh thu an sawi a. Police-in an chhuizui mek a ni. #zabilianz #zabilianznews #zofatehuapzo