#ZabilianZ June 13, 2026: Chief Minister Lalduhoma'n nimin khan Union Home Minister Amit Shah chu a pisah hmuin, tul leh pawimawh hrang hrang a sawipui.
Security Related Expenditure (SRE) Scheme atanga hmarchhak bial ten tanpuina an dawn thin, Mizoram chu ram ralmuang a nih avanga pek ni ve ngai lo chu Chief Minister chuan drugs tawlhruk leh cyber crime do kawnga hmalakna atan SRE atanga sum pe ve turin Union Home Minister chu a ngen a. Home Minister chuan hmarchhak bial hmasawnna tura ruahman PM-DeVINE (Prime Minister’s Development Initiative for North Eastern Region) Scheme atanga project thehlut zawk turin a lo rawn thung.
Chief Minister chuan Manipur, Bangladesh leh Myanmar atanga raltlan mi 40000 dawn Mizorama an awm mek thu leh state sorkarin chhawmdawl tura theihtawp a chhuah zel thu te Union Home Minister chu hrilhin, "sorkar laipui tanpuina kan mamawh hle a ni", a ti a. Home Minister chuan raltlante chhawmdawlna atan Mizoram sorkar hnenah Rs. vbc 10 man hu buhfai pek a nih tur thu a lo hrilh tih sorkar thuchhuahin a tarlang a ni.#zabilianz #zabilianznews #zofatehuapzo
0 Comments