ED-in Champhai-ah hmun pakua an dap - 2013 - 2025 inkara dan lova pawisa che vel Rs. vbc 970 a tling

#ZabilianZ June 04, 2026: Enforcement Directorate (ED)-in Myanmar aṭanga dan lova Kuhva tawlh leh pawisa thianghlimlo chungchangah vawiin khan Champhaia hmun 9 an dap.

Enforcement Directorate thuchhuahin a tarlan danin, Prevention of Money Laundering Act (PMLA) Act, 2002, Section 17(1)-in thuneihna a pek angin Champhai-a hmun pakua :

Lalrempari, Lalhnemi (Proprietor, M/s Rem Rem & Beki Store)
Sangneihvela (Proprietor, M/s SNV Store)
Thangkhanmunga (Proprietor, M/s CS Store)
Rothuamluia (Proprietor, M/s NS Enterprises)
Lalremmawia (Proprietor, M/s S&R Hardware Store)
Laldua (Proprietor, M/s JH Family Enterprise)
Zonunsanga (Proprietor, M/s Mami Store)
Zosangpuii te chenna in leh dawr te an dap a. Heng mi te bank account an endikna atangin kum 2013 aṭanga 2025 inkara dan lova pawisa che vel chu Rs. vbc 970 a tling tih hmuhchhuah niin, anmahni leh an chhungte hminga dah an thil neih te bakah, sumdawnna, electronic device leh mobile phone-te hrensak an ni.

Kuhva ro tawlhruk chungchang chhuina kal zelah Champhai district chhungah kum 2021-2024 chhungin e-way bill lem siamna Rs. vbc 251.19 hu leh CGST Rs. vbc 86.25 chawina hmuh chhuah a ni tawh tih ED thuchhuah chuan a tarlang bawk.#zabilianz #zabilianznews #zofatehuapzo