ECI Deputy Director-in Reiek tlawhin, SIR chungchanga hmalaknate a enpui

#ZabilianZ June 04, 2026: Election Commission of India (ECI) Deputy Director Apurva Kumar Singh-a'n vawiin khan Reiek tlawhin, ECI hmalaknaa uluk zawka electoral roll ennawnna - special intensive revision (SIR) hlawhtlinna tura an hmalaknate a enpui a. BLO te hnathawh dan leh SIR 2026 a hlawhtlin theihna tura an vahchuahna hrang hrang thlalak leh video te dah tha thin tur te, an hmalakna leh hlawhtlinna hrang hrang mipui hriata pholang uar tur te in a chah.

ECI Deputy Director chuan khawtlanga mi chhuanawm te chhawr tangkaia, an khawtlang hruaitute nen thawhhona tha tak nei tura chahin, India khua leh tui, kum tling chin tumah hmaih nei lova electoral roll-a an chuan vek theihna tura thahnemngaia thawk turin a ngen bawk.

Reiek BDO, Assistant Electoral Registration Officer (AERO) ni bawk Betty Lalrinfeli leh a thawhpui ten ECI Deputy Director lo dawngsawngin, SIR hlawhtlinna tura an hmalak tawh dan hrang hrang te an lo hrilh a ni.#zabilianz #zabilianznews #zofatehuapzo