#ZabilianZ June 11, 2026: World Environment Day - 2026 denchhena June ni 5 atanga an hmalakna kal zelah AMC Corporator leh official ten vawiin khan Aizawl bawlhhlawh paihna hmun (Solid Waste Management Center, Tuirial)-ah thing an phun.
Aizawl Mayor H. Lalremtluanga'n leilung chhe zel veng turin thing phun uar deuh deuh a tul thu a sawi a. Solid Waste Management Rule tharin a phut angin chhungkaw tinin bawlhhlawh te chi 4 a thliarhran a tul thu leh chu chu a sawngbawl kawnga hna pawimawh hmasaber a nih thu a sawi.#zabilianznews
Bawlhhlawh thliahran kawnga tan la thar theuh turin Mayor chuan chhung tin te a ngen a. Solid Waste Management Rules, 2026 in a phut anga bye law siam mek a nih thu leh peihfel thuai a nih tur thu a sawi bawk.
Tuiriala bawlhhlawh paihna hmuna bawlhhlawh paihfin leh vek anga sawi awm thin chu a dik loh thu Mayor chuan a sawi a. A paihna hmun hrang mumal tak siama a theih anga tam sawngbawl a nih thu a sawi. Material recovery facility, Luangmuala siam mek peihfel a nih hunah phei chuan bawlhhlawh thliar hran kawngah nasa lehzuala ṭanlak a tul dawn tih t a sawi bawk a ni.#zabilianz #zabilianznews #zofatehuapzo
0 Comments