Guns N' Roses - Guwahati-ah an che dawn

#ZabilianZ June 09, 2026: India ramah a vawithum nan Guns N' Roses an che leh dawn. Ruahman lawk ang chuan November ni 14, 2026-a Bengaluru-a hun an hman hnu ah November ni 17, 2026-ah Guawahati-ah Axl Rose, Slash leh Duff te ho an rock pui theih dawn.

Guns N’ Roses hi Axl Rose-a'n la hovin, Slash, Duff McKagan, Richard Fortus, Dizzy Reed, Melissa Reese leh Isaac Carpenter te nen world tour nei mekin, India hmarchhiak bial lam thlengin an rawn hrut tel dawn a ni.#zabilianznews

American hard rock band - kum 1985-a Los Angeles, California-a indin Guns N' Roses lo kal tur hi Assam Chief Minister Himanta Biswa Sarma pawhin lawmawm a tih thu a sawi a. Post Malone concert hlawhtling tak hnu ah Assam chu khawvel huap live entertainment hmun ni turin a thang chho zel niin a sawi.

Assam Chief Minister chuan India ram chhung leh ram pawn atanga fans kalkhawm ten Assam-in mikhual a lo dawnsawn dan, hnam zia leh nunphung te an rawn hriat phah dawn a, tourism leh tualchhung economy tan remchanna thar a siam a beisei thu a sawi bawk.#zabilianz #zabilianznews #zofatehuapzo