Kawthalo umbo tura hmalakna ‘Stop Diarrhoea Campaign 2026’ tan a ni

#ZabilianZ June 16, 2026: Kawthalo umbo tura hmalakna, July ni 31, 2026 thlenga kalpui tur ‘Stop Diarrhoea Campaign 2026’ chu vawiin khan Aizawl Mayor H. Lalremtluanga'n Edenthar BSUP, Aizawl-ah a hawng a. District hrang hrangah he hmalakna khuhhawnna hun hi hman a ni bawk.

Aizawl Maoyr chuan kawthalo laka invenhim pawimawhzia sawiin, kawthalovin nunna a suat thin chu umbo theih a nih thu leh inzirtirna kalpui zel a pawimawh thu a sawi a. Kawthalo chu natna tlanglawn tak ni mahse, kum kalta 2025 chhungin India ram pumah naupang nuai 1.2 laiin an thihpui chu pawi a tih thu a sawi.#zabilianznews

ORS leh zinc damdawi hmanga inenkawl a pawimawh thu sawiin, National Health Mission hnuaia sorkar sub-centre leh ASHA (Accredited Social Health Activists) te atanga zinc tablet leh ORS chu a thlawna lak theih reng a nih thu a sawi bawk.

‘Kawthalo ven nan faina leh ORS a pawimawh’ tih thupui hmanga kawthalo umbo tura hmalakna hi sorkar laipui ruahmannaa National Health Mission (NHM) hnuaia Aizawl East District Chief Medical Officer (CMO) office-in a huaihawt niin, July ni 31, 2026 thleng kalpui a ni dawn a ni.#zabilianz #zabilianznews #zofatehuapzo