MoS B. Lalchhanzova'n Zuchhip khaw hmun hlui lungphun a hawng

#ZabilianZ June 16, 2026: Zuchhip khaw hmun hlui lungphun chu vawiin khan Minister of State B. Lalchhanzova'n a hawng a. Zuchhip khaw hmun hlui lungphun hawnna hun hi AMC Executive Corporator Christina Roluahpuii Sailo chuan khualzahawm niin a telpui bawk.

Kum 2019-a din Zuchhip Hmun Hlui Humhalhtu Pawl hmalaknain Zuchhip hmun hlui huam chhunga lungdawh leh thlan awm te chu humhalh a ni a. Kum 2020 khan khum 34 awmna Ruihhlongai te enkawlna tur Chhanchhuahna Home din niin, rawngbawltu 10-in mi 32 an enkawl mek a. PHE Dept, Zuchhip VC leh Khawzawl BDO-te puihnain tui dahkhawlna tur siam niin, P&E Dept-in transformer an dah bawk a ni.

Zuchhip khaw hmun hlui lungphun hawngtu Minister of State B. Lalchhanzova chuan Zuchhip khawchhuak thlah a nih thu sawiin, Zuchhip khawchhuak thlah kal zel ten Zuchhip khua hre reng chunga an pi leh pute lunghahna hmun roh taka an enkawl chu ropui a tih thu a sawi a. "Mahni pi leh pute khawchhuahna hmun hi zahpui lova kan hriatreng a pawimawhin, malsawmna dawnna a ni" a ti.#zabilianznews

Zu chhip khaw hmun hluia ruihhlongai te enkawlna tur Chhanchhuahna Home din a ni chu tha a tih thu B. Lalchhanzova chuan sawiin, an inenkawl dan leh home-a awm te pawh intodelha mahni ei tur an thawkchhuak thei chu chhinchhiahtlak a tih thu a sawi bawk.

AMC Executive Corporator Christina Roluahpuii Sailo pawhin kalkhawmte hnenah Zuchhip khawchhuak AMC Corporator an nei tih sawiin, Zuchhip khaw mipui ten Aizawl-ah Zuchhip khawchhuak thlenna an nei a ni tih hriaa, harsatna an neihte pawh a hnena thlen hreh lova, a theih ang anga a lo puih tur thu a sawi bawk a ni.#zabilianz #zabilianznews #zofatehuapzo