Khuh damdawi hluar dan leh harsatna a thlen te, hma la tura dan tlawhchhan theih te zirchiang dawn

#ZabilianZ June 10, 2026: Excise Minister Lalnghinglova Hmar hovin Excise & Narcotics Dept., Home Dept., Food & Drugs Administration (FDA) leh CYMA aiawh ten nimin tlai khan thalai zinga khuh damdawi hluar chho zel avanga hmalak dan tur an sawiho.

Tunhnaiah a bikin thalai lamah khuh damdawi ruih a hluar nia sawiin, Excise Minister chuan ngaihmawhawm tak a nih thu a sawi a. Khuh damdawi chu naupang zawk ten zu leh damdawi dang an khawihna kailawn langsar tak a nih thu sawiin, "ruihhlo dang leh damdawi hlauhawm tak tak kan vei rualin, khuh damdawi zalen lutuk hi engtinnge kan tih reh theih ang tih hi kan ngaihtuah a ngai a ni", a ti.

Excise Minister hova thukhawm chuan khuh damdawi hluar dan leh harsatna a thlen te, hma la tura dan tlawhchhan theih te zirchian ni se, an ti a. Harsatna hrang hrang chingfel tura hmalak dan tur te buatsaih a, mapping mumal tak lo ti turin Home Department, Excise & Narcotics Department, FDA leh CYMA aiawh pakhat theuh an ruat nghal.

Central YMA-in damdawi zuarte hnenah prescription tel lova khuh damdawi hralh lo tura ngenna siam se, an ti a. Branch tin huamchhunga damdawi dawr te in-report tura ngen ni se, an ti.  Hmalak chhunzawm dan tur ngaihtuah turin a ranglama thutkhawm leh ni se, thutkhawm leh hunah chuan Social Welfare & Tribal Affairs bakah Mizoram Chemist and Druggist Association te pawh tel tura sawm ni se, an ti bawk.#zabilianz #zabilianznews #zofatehuapzo