Larsap-in Green Mizoram Day hnatlang hmahruai atan Herhse tiak a phun

#ZabilianZ June 11, 2026 : Larsap General VK Singh-a'n vawiin Green Mizoram Day 2026 thingphun hnatlang hma hruaiin tukin khan Lok Bhavan Upper Lawn-ah Mizoram State Tree 'Herhse' tiak a phun a. Governor's Secretariat-a thawktu ten thing tiak an phun zui ve nghal bawk.

Larsap chuan Green Mizoram Day puala thingphun runpui kum tina neih thin chu tha a tih thu sawiin, hemi ni chauh ni lo, thingphun hun chhunga thing tiak tam thei ang ber phun turin mipuite a chah a. Hmundang ngaihtuahin Mizoramin hmun hring leh thing leh mau a neih that rih thu leh Mizoram sik leh sa tinuama, boruak tithianghlima, ruahtui tlak dan thlenga danglamna thlentu an nih thu a sawi.

Sik leh sa inthlak danglam zel tur ven nan thing leh mau te humhalh a tul thu Larsap chuan sawiin, Mizoram puma Green Mizoram Day hmangtute chu thing tiak phunah tawpsan mai lova, a puitlin ngei theihna tura enkawl zui zel kawngah theihtawp chhuah turin a chah bawk.#zabilianz #zabilianznews #zofatehuapzo