#ZabilianZ June 21, 2026: Kolasib district-a tleirawl pakhat, Spa-a hnathawk tura Mumbai panpui a nih laia West Bengal Police-in an chhanchhuah chu Nadya District Child Welfare Committee, West Bengal-in Kolasib District Child Protection Unit kutah an hlan.
Kolasib atanga thudawnnain a sawi danin, Kolasib district-a hmeichhe pakhat leh a thianpa Serchhip district mi nia insawi ten Kolasib district-a hmeichhe tleirawl pakhat chu Spa-a thawka, thla khata Rs. 12,000 hlawh tur anga hrilhin, February ni 12, 2026 khan rel hmangin Mumbai an panpui a. February ni 14, 2026-ah West Bengal thlengin West Bengal Police ten an lo rinhlelh avangin tleirawl chu Nadya District Child Welfare Committee, West Bengal kutah hlan a, a hruaitute chu thu zawhfiah turin an hreng thung.#zabilianznews
Mizoram atanga hmeichhe tleirawl hruaitu mi pahnih te chu West Bengal Police-in thu an zawhfiah hnuah mihring hmanga sumdawnna - human trafficking thubuai siamsak nia hriat a ni bawk.
Bum tawk nia hriat tleirawl chu Nadya District-a Home for Girls-ah dah lailawk niin, Nadya District Child Welfare Committee-in Kolasib District Child Protection Unit lam bepawpin an indawr zui ta a. Kolasib District Child Protection Officer (Institutional Care) C Lalzawmdiki chu tleirawl te khuaah kalin thil awmzia an chhui zui ta a. Nadya District Child Welfare Committee nen buapui tul ang ang te an buaipui fel hnuah bum tawk tleirawl chu Nadya District Child Welfare Officer Puja Nandi kaihhruaiin an dah lailawkna Home for Gilrs-a thawktu pakhat leh Police Officer pakhatin Mizoram rawn panpuiin, June ni 18, 2026 khan Kolasib District Child Protection Unit kutah an hlan ta a ni.#zabilianz #zabilianznews #zofatehuapzo
0 Comments