Mizoram hi Digital State-a siam ka duh :Lalduhoma

#ZabilianZ June 09, 2026: Chief Minister Lalduhoma'n Digital Service-in sorkar hnathawkte leh mipuite awlsamna a pe ve ve tih sawiin, "ka mimal duhdanah phei chuan Mizoram hi Digital State-a siam ka duh" a ti.

Serchhip Bawrhsap leh NIC tangkawpin an siam Serchhip District Plan & Project Monitoring System vawiina a tlangzarhnaah he thu hi Chief Minister chuan a sawi a. "Mipui kan la tlem a, ziak leh chhiar thiam kan tam a, digital state nih hi chuti taka harsa niin ka ring lo" a ti bawk.

Chief Minister chuan "department zawng zawng-in mipui ten an dawr theihna chi, an business theuh digital platform siam vek se, digital state kan ni titih der a ni mai" a ti a. "Private firm rawih man a to a nih pawhin, sorkar anga kan thawhpui theih, ICT te, Mizoram e-Governance Society te leh NIC te kan nei a. Kan vei chuan kan tih theih vek ka ring", a ti bawk a ni.#zabilianz #zabilianznews #zofatehuapzo