Mizorama sam phun -hair transplant- tih theihna hmasaber tur LBS NewLife Clinic

#ZabilianZ June 06, 2026: Mizorama sam phun -hair transplant- tih theihna hmasaber tur LBS NewLife Clinic chu vawiin khan JL Building, Tuikual-ah Health Department Principal Director hlui Dr Lalrinliana Sailo-in a hawng.

LBS NewLife Clinic-ah hian hair transplant lama thiamna bik nei doctor leh nurse ten khawl changkang hmangin hna an thawk dawn a, hauh lawk pawh engemawzat an awm nghal a ni.

Dr. Lalrinliana Sailo chuan "Mizoramah hetiang clinic hi a la awm ngai lova, hair transplant clinic hmasaber hawn a ni thei hi thil lawmawm em em a ni" a ti a. Ram mipui rawngbawlna leh a mamawhte tan thil ṭangkai a nih theih nan a neitu leh thawktute duhsakna a hlan.#zabilianznews

Mizo zinga Orthopedics Specilist hmasaber Dr Lalrinliana Sailo fanu Dr. Lalnunpari Sailo chuan LBS NewLife Clinic hi thutchilhin, a enkawl dawn a. LBS Group te mo Dr Pari hi Skin Specialist (MD - Dermatology, Venereology, Leprosy) niin, sam phun (hair transplant) lama thiamna bik nei a ni a, training chhuak hair technician pahnih leh thiamna bik nei midang ten an pui bawk ang.

LBS NewLife Clinic-ah hian - physiotherapy, ultrasound, x-ray, endoscopy leh thisen endikna laboratory pawh bun tel a ni bawk.#zabilianz #zabilianznews #zofatehuapzo