Mizoramah kumtin cancer case kan neih belh zel - curative treatment leh palliative care lamah hman kan sawn ve zel bawk :Health Minister

#ZabilianZ June 08, 2026: Health Minister Lalrinpuii'n "Population Based Cancer Registry report-a a lan danin, Mizoramah kumtin cancer case kan neih belh zel" tiin, curative treatment leh palliative care lamah erawh hmasawnna a awm ve zel niin a sawi.

Workshop cum Re-Orientation on Cancer Registration and Data Quality, Aijal Club-a neih a telpuinaah he thu hi vawiin khan Health Minister chuan a sawi a. Mizoram Population Based Cancer Registry Report (2018-2022) a tlangzarh bawk.

Health Minister chuan JICA (Japan) nen tangkawpa Mizoramin Cancer Hospital changtlung zawk a neih theihna tura hmalaknaah pawh PBCR statistics chuan thui taka kawngro a sut thu sawi a. Mizoram PBCR data chu IARC-WHO-in a pawm a nih thu a sawi bawk a ni#zabilianznews.

Principal Investigator PBCR Mizoram Dr. C. Lalchhandama'n PCBR-in a tarlan danin Mizoram chu India ramah cancer a  sang ber a nih thu a sawi a. "Kum 2003 – 2020 thlenga zirchiannaah cancer-a san lam kan pan char char" tiin, Mizo mipa ah pumpui cancer an tam ber thu leh hmeichhia-ah chuap cancer an tam ber thu a sawi bawk.

Mizorama cancer dinhmun dik tak hriatchian a nih theihna tura hmalakna leh PBCR Mizorama sulsutu a nih avangin Dr. Eric Zomawia hnenah PBCR Staff ten chawimawina an hlan bawk a ni.#zabilianz #zabilianznews #zofatehuapzo