Pro Volleyball League (Hmeichhia) Champion

#ZabilianZ June 13, 2026: Mizoram Rural Bank Pro Volleyball League - hmeichhe final nizana khelhah Chhinga Veng Spikers-in 25-19, 18-25, 21-25, 25-23, 15-9 (3-2)-a Tuichangral hnehin an Champion.

Chhinga Veng Spikers hi champion tura rin kai lo zawk ni mahse, kum 2022-a Bethlehem vengthlang champion pui tawhtu Elisian Medai a che tha a, team tan point 35 hlawh chhuakin, vawi ruk a tisual a, tuntum championship chhunga a vawikhat nan Kuriz Player of the Match-ah thlan a ni.

Chhinga veng hian ITI veng GSA hneha final luh hnu ah Kerala atanga an lakluh Anusree Poyili a dam lova, nimin tlai thlengin team inbuatsaihna zawm thei lo mahse, nizana final an khelhah set nga a khel tluan a, an champion theih nan Elisian-i nen point 69 an hlawh chhuak.

Kum 2019-ah Chhinga veng mipa team an champion tawh a, tunah hmeichhia an champion leh ta a, Pro-Volleyball chanchina mipa leh hmeichhia champion kawp hmasaber an ni. Chhinga veng coach Jesse Lalpianpuia'n 2024 ah Luangmual a champion-pui tawh a, hmeichhe team hrang pahnih a champion-puina niin, 2022-a best coach chawimawina sem chhuah a nih atangin vawihnih a dawng tawh a, mipa leh hmeichhe team coach zingah vawi khat aia tam dawng hmasa ber a ni bawk.

Kuriz Player of the Match : Elisian Medai
Haier Best Spiker : Shaalini Saravanan (Tuichangral)
Haier Best Setter : Lalkhumtiri Renthlei (Chhinga veng Spikers)
Haier Best Receiver : B Tlangmawii Varte (Tuichangral)
Haier Best Coach : Jesse Lalpianpuia (Chhinga Veng Spikers)

PRO VOLLEYBALL LEAGUE-A HMEICHHE TEAM CHAMPION TAWH TE :
2017 - Power Department Sporting Club
2019 - Durtlang
2022 - Bethlehem Vengthlang
2023 - Luangmual
2024 - Luangmual
2025 - Luangmual
2026 - Chhinga Veng Spikers

#zabilianz #zabilianznews #zofatehuapzo