Tualthattua puh bail remti lovin Tuikual South mipui an pungkhawm

#ZabilianZ June 04, 2026: Kum 2024, March thlaa V. Lalhmingthangi (52), Tuikual South thattua puh Irene Lallawmzuali (34), Ramthar North, Aizawl chu court-in bail-a chhuah a phalsak nia an hriat avangin vawiin khan Court bul-ah Tuikual South mipui an pungkhawm.

Tuikual South Local Council leh NGO pawl hrang hrang huaihawta Tuikual South mipui pungkhawm chuan Irene Lallawmzuali bail-a chhuahtir an duhlohna leh hrem ngei an duhna lantirin, thuziak chi hrang hrang an pholang a, an au rual bawk.

Kum 2024, March ni 16 zan khan V Lalhmingthangi dawr nghak chu a haw loh avangin a chhung ten an zawng a. A tuk March ni 17, 2024-ah chawhma dar 10 velah Aizawl Police Station-a FIR an thehluh mek laiin, V. Lalhmingthangi chu Aizawl New Market-a a dawr kudam-ah thi-a hmuh a nih thu a chhung te chuan an hre ta a. Hemi ni vek tlai lamah a thattu ni ngeia hriat Irene Lallawmzuali chu Police-in an man zui nghal bawk a ni.#zabilianz #zabilianznews #zofatehuapzo