#ZabilianZ June 12, 2026: UD&PA Minister K. Sapdanga hovin UD&PA Department official te leh AMC Corporator ten nizan khan Aizawl Sumtual-ah zanriah kilhovin, Aizawl khawpui enkawl kawngah chak taka thawhho zel ni se, an ti.
State sorkar hmasa te leh AMC-a roreltu hmasa te hmalakna zarah Aizawlah rorelna mumal a awm chhoh zel thu UD&PA Minister chuan sawiin, AMC-a roreltu thar ten Aizawl chu inenkawlna felfai leh dinhmun sang zawka an hlankai ngei a beisei thu a sawi.#zabilianznews
AMC-a roreltu thar te leh department lama hnathawktute chu tha taka thawhhona tha kengkawh zel turin UD&PA Minister chuan a chah a. Aizawl khawpui himna tura tuiluankawr siam mek, storm drain project chu tangkai taka kalpui a nih theihna tura thawhho zel a tul thu pawh sawiin, AMC chu mawhphurhna lian zawk pawh pek zel an duh thu a sawi bawk.
Aizawl Mayor H. Lalremtluanga pawhin minister hmalakna zarah AMC leh UD&PA-in thawhhona awmze nei leh tha an nei thei dawn nia a lan thu leh lawmawm a tih thu a sawi a. UD&PA Minister chuan AMC a ngaihpawimawh tak tak nia sawiin, lawmthu a hrilh bawk a ni.#zabilianz #zabilianznews #zofatehuapzo
0 Comments