Zofate insuihkhawmna hmanraw pawimawh tak chu All India Radio a ni :Chief Minister

#ZabilianZ June 09, 2026: Chief Minister Lalduhoma’n Zofate insuihkhawmna hmanraw pawimawh tak chu All India Radio a nih thu sawiin, Zofa chi peng hrang hrang kar hlaa awm te awi tleitu a nih thu a sawi.

All India Radio kum 90 tlin lawmna Vanapa Hall-a neih a hmanpuina ah he thu hi sawiin, Chief Minister chuan All India Radio hlutna chu a din atanga tun thlengin mipui thinlungah a la ngai reng niin a sawi a. Mizo ṭawng hman dik kawnga entawntlak, htawng humhalh kawnga thawhhlawk, Mizo hun hmasaa thil thleng pawimawh hrang hrang vawnghimtu niin a sawi.

All India Radio chu ramchhung bakah khawvel huapa Radio network lian ber a nih thu Chief Minister chuan sawiin, "ṭawng hrang hranga thu puang darh tam ber niin, tawng chi hrang 23 leh chibil tawng (dialect) 146 chuang ngaihthlak theih a ni" a ti a. Ram 100 chuangah All India Radio chu an ngaihthla niin a sawi bawk.#zabilianznews

Chief Minister chuan kum 2024-ah Oxford University-a Reuters Institute for the Study of Journalism-in Digital News Report 2024 a tihchhuahah India rama news channel lian hrang hrang zirchiangin Akashvani News chu India rama rintlak berah a puang a, hei hi India mipuite pawm dan pawh niin a sawi.

All India Radio chu India-in Independence a hmuh theihna kawnga tangkai taka thawktu, mipui inlungrualna kawnga thawhhlawk tak niin a sawi bawk.#zabilianz #zabilianznews #zofatehuapzo