ZPM - Rajya Sabha MP candidate-in nomination a file

#ZabilianZ June 05, 2026: Tun thla ni 18, 2026-a Mizoram aiawh tur Rajya Sabha MP thlanna tura ZPM candidate K. Laltluangkima'n vawiin khan Returning Officer, Mizoram Legislative Assembly-a Commissioner & Secretary Zothansanga Ralte hnenah nomination a file.

Rajya Sabha MP inthlan atan hian June ni 8, 2026 thlengin nomination file theih a ni a, June ni 9, 2026 ah endik a ni ang a, June ni 11, 2026 thleng inhnuhdawhna hun hawn a ni ang.#zabilianznews

June ni 18, 2026 (Ningani) zing dar 9 atanga tlai dar 4 thlengin mipuiin an aiawha an thlan MLA ten Rajya Sabha member tur thlangin vote an thlak anga, hemi ni vek tlai dar 5 ah vote chhiar nghal a ni ang.

Rajya Sabha-a Mizoram aiawh tur thlan a nih rual hian - Andhra Pradesh, Arunachal Pradesh, Gujarat, Jharkhand, Karnataka, Madhya Pradesh, Manipur, Meghalaya leh Rajasthan te pawhin Rajya Sabha MP an thlang ve dawn bawk.#zabilianz #zabilianznews #zofatehuapzo