Apex Bank-in Aizawl Traffic Police te tan Rs nuai 4 chuang man Sleeveless Jacket (Vest) an pe

#ZabilianZ July 21, 2026: Mizoram Cooperative Apex Bank Ltd-in Aizawl Traffic Police-te hnathawh an ngaihhlut zia lantir nan Traffic Sleeveless Jacket (Vest) 320 - Rs 4,48,000 man chu vawiin khan Aizawl Traffic Police te tan an hlan.

Thilpek te hi Mizoram Cooperative Apex Bank Ltd. aiawhin Chairman Lalnunsanga'n Traffic SP C. Vanlalvena kutah a hlan a. National Award for Excellence in Traffic Management dawntu traffic police te chhuanawm an tih thu leh hei hian an inpekna leh Mizo mipuiin ‘Civic Sense’ an neih that zia a tarlang nia an hriat thu Apex Bank hotute chuan an sawi.

Aizawl Traffic Police te chu state dang hriata Mizoram tihmingthatu leh tihmelmawitu an nih thu sawiin, a tul anga Aizawl Traffic Police te tan insenso zel an inhuam thu an sawi bawk.

Traffic SP C. Vanlalvena pawhin lawmthu sawiin, thilpek an dawn chu an hnathawhna atana tangkai tak leh traffic discipline vawn kawngah pawh hmanraw tangkai tak a nih tur thu a sawi a. Kuminah June thla thleng khan lirthei dan bawhchhia 5388 awm tawhin, dan bawhchhia te pawisa chawi tlingkhawm Rs. 60,99,300 a tlin tawh thu a sawi bawk a ni.#zabilianz #zabilianznews #zofatehuapzo