Leimin-in feh haw a hnawl - mi pakhat a thi

#ZabilianZ July 15, 2026: Nimin - July ni 14, 2026 tlai lam khan Maruati (48), A. Lalmama nupui, Pangbalkawn, Kolasib district chu an feh haw leiminin hnawlin a thi. Pangbalkawn YMA hruaitute hnen atanga thudawn danin, Maruati hi a pasal leh an nau hmeichhe pakhat nen nimin khan an feh a. Tlaia an haw lam chu leiminin chhilhin, Maruati chu a kut bawr atanga a lu lam chu a chhilh pil lova. A hma a kal a pasal-in pawh chhuah tuma a beih laiin lei lo tawlh lehin a hnawl ta a, a thlanga lui - Chilui an tihah chuan hnawl thlain chhan theih a ni ta lo a ni.#zabilianznews

An ruala kal ve an nau chu a hnung berah fal deuh hleka a kal avangin a him niin Pangbalkawn YMA hruaitute chuan an sawi a. Maruati pasal pawhin vanneihthlak takin hliam na a nei lo niin an sawi bawk.

Maruati ruang hi nizan dar 7 vel khan an in thlenpui niin, nizan khan lumen a ni a, vawiin chawhma dar 11 khan vui a ni.#zabilianz #zabilianznews #zofatehuapzo