#ZabilianZ July 11, 2026: India rama Catholic kohhran thuneitu sang - Catholic Bishop's Conference of India (CBCI) hruaitu ten foreign contribution regulation act (FCRA), sakhaw zalenna leh Manipur buaina chungchangah Union Home Minister Amit Shah hmuin, memorandum an thehlut.
Union Home Minister chuan FCRA chu kristian target bika siam a ni lo nia sawiin, kum kaltaah FCRA hmanga Rs. vbc 17,000 vel hmuh a nih thu leh heng zinga zaa 13 - Rs. vbc 3,000 vel chu kristian organisation ten an chang niin CBCI hruaitute chu a lo hrilh.
Union Home Minister chuan kum 2010-a bill siam tawh chu anti national activities atana hman a nih loh nan te, a nihna tur ang taka hman a nih theih nan te siamthat tum a nih thu a sawi a. Kohhran leh a hnuaia hmalakna peng hrang hrang bakah sakhaw dang he foreign contribution hmang tangkaitu emaw eng pawl pawh bitum bik an awm lo niin a sawi.#zabilianznews
Amit Shah chuan kristian pawl hrang hrang ten India ram hmasawnna tura tha an thawhnaah CBCI hruaitute chu lawmthu lo hrilhin, FCRA chu parliament-in pass mahse, hemi kaltlanga sum hmuh hmanga infrastructure leh thil dang an lo din tawh te sorkarin chhuhsak a tumna lam a nih loh thu a lo hrilh bawk.
Kristian pawl hrang hrang zingah FCRA avanga an sum hmuhna tihtawpsak leh harsatna an tawh zawng zawng la khawma, ziaka a hnena thehlut turin Union Home Minister chuan CBCI hruaitute chu a lo ngen a. Ministry of Home Affairs-in lo enzui tur thu sawiin, lo bawhzuisak a tiam a. Kristian nekchepna thil thleng avanga FIR thehluh ngaihsakloh, hmalakna awm lo leh duhkhawplohna a awm a nih chuan Ministry of Home Affairs-ah thlena, mimal taka a lo bawhzui thin tur thu CBCI hruaitute chu a lo hrilh bawk a ni.#zabilianz #zabilianznews #zofatehuapzo
0 Comments