#ZabilianZ July 11, 2026: Horticulture Minister C. Lalsawivunga'n bawng ek leh zun te hmang ṭangkaia leiṭha (organic manure) siam turin Horticulture department-in AH & Vety department thawhpui a tum thu a sawi.
Horticulture department hmalakna thlirletna thutkhawmah leitha siam kawnga AH & Vety department nena thawhho chungchang hi Horticulture Minister chuan a sawi a. Hemi chungchang ngaihtuaha thutkhawm a nih tawh thu te, chemical tel lo thlai leh thei thar tura hmalak zel tum a nih thu te a sawi.#zabilianznews
Kaladan Multi-Modal Transit Transport Project (KMMTTP) atana lo inbuatsaih a pawimawh thu pawh Horticulture Minister chuan sawiin, "ram chhung leh ram pawna thawn chhuah tur thlai leh thei te kan neiha, multi modal corridor atana a dawhthleng kan lo siam a ngai" tiiin, he kawngpui lo hmang ṭangkai tura inbuatsaih lawk a tul thu a sawi bawk.
Horticulture department chu kuthnathawktute nena inhne hnai ber, Mizoram dinchhuahna tura pawimawh ber te zing ami nia sawiin, nasa takin hna thawk mahse, kawng tam takah hmasawnna tur an la nei tih hriaa theihtawp chhuah zel turin department hotute chu a chah a ni.#zabilianz #zabilianznews #zofatehuapzo
 siam turin Horticulture Dept leh AH & Vety Dept-in thawhdun tum ){kind=link}
0 Comments