#ZabilianZ July 20, 2026: MNF PAC member, minister hlui ni bawk R. Lalzirliana'n "ru rawh, mahse, inman tir suh" tia zirtîr hruaitu kan nei hi ram tân a pawi hle" tiin, sorkar lai hnuaiah eirukna a awm ngei nia a hriat thu leh thutiam bawhchhiatna chiang taka a lan thu a sawi.
MNF party chhung inkhawm vawiina neihah he thu hi R. Lalzirliana chuan sawiin, "Lengpui airport ram chungchânga CBI case te, Tourism Director leh OSD post chungchânga dân kalha hmalakna te hi MNF chuan pawi a ti hle" a ti a. "Officer-te thurâwn ngaihsak lova mahni ṭanghma hai vânga hna pek leh hlawh lak tumna hian kan ram sorkar inrelbawlna a tichhia a ni" tiin, "thutiama ding lo ZPM party sorkar kan nei hi a pawi takzet a ni" a ti bawk.
MNF sorkar hmasa-in Aizawl khawpui chhûng leh Mizoram hmun hrang hrangah hmasawnna ruhrel mipui hmuh theih leh hman theih tûr tam tak a din niin R Lalzirliana chuan a sawi a. "Secretariat thar te, terminal thar te leh kawngpui ṭha tak tak kan neih te hi MNF sulhnu vek a ni" tiin, "kan kuhmumah tun sorkar hi a lo par ve mai zawk chauh a ni" a ti a ni.#zabilianz #zabilianznews #zofatehuapzo
0 Comments