#ZabilianZ July 20, 2026: Tripura DGP (Director General of Police) Anurag Dhankar chu vawiin chhun khan a thi a, Tripura Police Headquarters, Agartala-a a pisa-ah a pistor kawlin a inkaphlum nia hriat a ni.
1994-batch IPS officer Anurag Dhankar hi a pistol kawl laiin a inkaphlum nia hriat a nih thu Tripura sorkar official pakhat chuan a sawi a. GB (Govind Ballabh Pant) Hospital panpui niin, minute 40 chhung vel doctor ten theihtawp chhuah mahse, vawiin chhun dar 12:48 khan a thi tih an nemnghet ta niin a sawi.
Tripura DGP Anurag Dhankar hi vawiin chhun dar 12 vela damdawi in panpui a nih hma pawhin a marphu leh lungphu te a tawp vek tawh niin official pakhat chuan a sawi bawk.#zabilianznews
Anurag Dhankar hi 1994-batch - IPS officer (Tripura Cadre) niin, May 2025 atangin Tripura DGP hna zawmin, Police Medal for Meritorious Service leh President's Police Medal for Distinguished Service te a dawng tawh a. Kum 2005 - 2013 ah CBI-ah SP leh DIG te a lo ni tawh bawk. A thi tih puan a nih hnuah Tripura Chief Minister Manik Saha, Chief Secretary JK Sinha leh sorkar mipawimawh dang tam takin GB Hospital pan nghalin, DGP an ui thu leh a thi chu pawi an tih thu an sawi nghal hlawm a ni.#zabilianz #zabilianznews #zofatehuapzo
0 Comments