#ZabilianZ July 17, 2026: Aizawl District Congress (ADCC)President, MPCC General Secretary ni bawk Lalroenga'n "Congress party hi kan tha ber, mipuite hian sorkarna min pe leh rawh u" a ti.
Congress party political session vawiina neihah he thu hi Lalroenga chuan sawiin, "party thenkhatin sorkar hmasa te development thawk miah lo angin thiam takin an sawi a, hei hi inbumna tenawm tak a ni" a ti a. MNF-in Independent an sual avanga Mizoram chu India state zinga development-a kum 20 lai hnufual bik ta niin a sawi bawk.#zabilianznews
ADCC President chuan kum 1984-a Lal Thanhawla kaihhruai Congress party a sorkar atangin remna leh muanna a thleng nia sawiin, hemi atang hian development pawh Mizoramah a thleng ve tan chauh niin a sawi.
Kum 1984-a Lal Thanhawla kaihhruai sorkar-in lum 2 leh a chanve chhungin thil tam tak a tipuitling nia sawiin, mirethei tan in chung tur rangva sem te, land use policy atanga mi tam tak tanpui te, thlawhbawk zawng zawnga private sikul deficit-a hlankai te, remna leh muanna thlenna tura Chief Minister nihna ken te a thleng niin a sawi a. Kum 1989-a Congress sorkar, Lal Thanhawla kaihhruai lo ding lehin Mizoram hmasawnna tobul zawng zawng a rawn tan tih theih a nih thu te a sawi bawk.#zabilianz #zabilianznews #zofatehuapzo
0 Comments