#ZabilianZ July 13, 2026: MNF President Zoramthanga lehkhabu ziah - Guerilla Fighter atangin Chief Minister- tih Mizo tawnga chhut chu Dy. Chief Minister hlui Tawnluia'n vawiin khan a tlangzarh.
He lehkhabu hi Saptawnga tihchhuah tawh niin, a ziaktu Zoramthanga chuan a beisei phak bakin Mizoram chhung mai ni lo, ram pawn lam thleng pawha an hlutsak thu leh lawmawm a tih thu a sawi a. Thangthar lo awm zel tur tan Mizo hnam movement chanchin mamawh lakkhawm theihna tur 'Mizo Hnam Movement Dictionary' tangkai tak a nih ngei a beisei thu a sawi.#zabilianznews
Lehkhabu tlangzarhtu, underground sorkara Army Chief lo ni tawh Tawnluia chuan "ka tan chuan he lehkhabu release-tu nih hi 'tawnloh sa bawp' a ni ringawt" a ti a. "Mizo hnam movement-ah a tir atanga tel, vawiin thlenga min la dam puitu, kum 36 zet MNF President ni mek Pu Zoramthanga'n a lehkhabu ziah hi thang leh thar lo awm zel tur ten Mizo nationalism tundinna atana tangkai taka an hman atan lawm takin ka tlangzarh a ni" a ti.
Lehkhabu thlirlawktu Dr. Zoramdinthara'n he lehkhabu ziaktu hian lehkhabu tam tak ziak lo mahse, tuna a lehkhabu ziak avangin ziakmi huanga sengluh theih a nih tak thu a sawi a. He lehkhabu hi thang leh thar lo awm zel tur te tan Mizoramin zalenna a sual chungchangah lehkha rawn tlak ber te zing ami a ni zel dawn niin a sawi bawk.#zabilianz #zabilianznews #zofatehuapzo
0 Comments