#ZabilianZ Aug 5, 2026: ZPM thalaiin Congress thalai ten Chief Minister Lalduhoma thlalak an cheibawl dan an duh loh thu sawiin, Chief Minister-in memorandum of settlement 1986 chungchanga Laldenga ṭanhmun chungchang a sawiah pawh MNF tan huat tur awma an hriat loh thu an sawi.
Chief Minister-in Mizoram Law College freshers social & felicitation programme a hmanpuinaah inner line permit leh memorandum of settlement 1986 chungchang chu opposition party te anglo takin zep nei lo leh tlang takin a sawi niin ZPM thalai chuan an sawi a. "ILP chu Mizoram tan inhumhimna a nih rualin, a hman sual theihna laka inveng tura law zirlaite a fuihna ah "dawihzepna" kan hmu ve lo" an ti.#zabilianznews
ZPM thalai chuan "MNF leh MPCC-in Mizoram chu thudik chanve leh an ṭawngkam thiamna hmangin hun rei tak an lo hruai tawh" tiin, thudik sawitute pawh inthlahrung takin an lo siam tawh ṭhin niin an sawi a. Politics ze hlui sim thei lo ah Congress thalai chu an puh a ni.
MNF party pawh an nihna dik tak hailan a nih apianga total bandh hmanga inhliahkhuh chingah ZPM thalai chuan an puh a. "Thil nihna dik tak hmachhawn ngam zawk turin kan chah" tiin, Mipui te pawh MNF thil tum chu lo zawmsak lo turin an ngen bawk.#zabilianz #zabilianznews #zofatehuapzo
0 Comments