Ram hruaitu dinna nghet nei lo, tum mumal nei lo leh hlauh ngah lutuk hi ram hruaitu lu ber ni tlak a ni lova, pawnfen feng tlak a ni :Rosiamngheta

#ZabilianZ Aug 3, 2026: Congress thalaiin Chief Minister Lalduhoma'n tunhnaia a thusawi thenkhat te an duhlohna lantirin vawiin khan Vanapa Hall kawtah an pungkhawm.

Congress thalai chuan Lalduhoma chu dawih aw taka ILP chungchang sawi leh Mizoram remna pawh sawinep-ah an puh a. Dawihzep leh hruaitu lû ber ni tlak lova ngaiin "pawnfen fêng tlak a ni" an ti.#zabilianznews

He punkhawmnaa thusawitu MPCC General Secretary Rosiamngheta chuan "Chief Minister Pu Lalduhoma'n 'Prime Minister, Home Minister leh Governor te hnenah vai kan hnawtchhuak dawn tih ka hrilh lawk che u ka ti a, a tha alawm, an ti' tiin, intithei takin a sawi zui" a ti a. "'He thu hi Home Secretary bakah DIB leh National Security Adviser pawh ka hrilh a ti" tiin, tunah erawh chuan ILP chungchangah pawh BJP tihlawm loh hlauvin dawih aw a chhuah leh si niin a sawi.

Rosiamngheta chuan Chief Minister Lalduhoma'n USA a kal tumin, Arakan Army nen inbiakrem a duh thu leh Arakan Army an hlauhawm thu pawh a sawi nia sawiin, "tunah kan inhung bikna ILP pawh hnamdang tana zuamawm thei tur ang berin a sawi leh a, Mizoram hi chimrala kan awmna turin min zuar a ni" a ti a. "Hetiang ram hruaitu dinna nghet nei lo, tum mumal nei lo leh hlauh ngah lutuk hi ram hruaitu lu ber ni tlak a ni lova, pawnfen feng tlak a ni" a ti bawk.#zabilianz #zabilianznews #zofatehuapzo