#ZabilianZ Aug 14, 2026: Synod Literature & Publication Board (SL&PB)-in Kohhran Library tha berah Vaivakawn Presbyterian Kohhran Library leh Mamit Presbyterian Kohhran Library te a thlang.
SL&PB chuan Kohhran Library tha lawmman hi nimin khan J.M. Lloyd Hall, Synod Office-ah a sem a. Hemi rual hian nikum chhunga Kristian Tlangau chanchinbu-a thuziak tha lawmman leh thawnthu inphuahsiak lawmman te a sem bawk.
Kohhran Library tha leh Kristian Tlangau-a thuziak tha te kumtin thlan tum a nih thu SL&PB hotute chuan an sawi a. Tuntuma lawmman semna hun hi Synod Moderator Rev. John Raldosanga leh Executive Secretary i/c SL&PB Rev. Dr K. Lallawmzuala ten an telpui.
Aizawla Kohhran Library tha berah Vaivakawn Presbyterian Kohhran Library thlan niin, Aizawl pawn lama Kohhran Library tha berah Mamit Presbyterian Kohhran Library thlan a ni a. Nikum chhunga Kristian Tlangau chanchinbu-a thuziak tha berah Rev. PC Pachhunga, Mission Vengthlang ziak 'Ka pe zêl dawn' tih chu thlan niin, thawnthu tawi inphuahsiakah Lalhruaitluanga, Salem veng, Aizawl ziak 'Duhthlanna' tih chu pakhatna a ni.#zabilianz #zabilianznews #zofatehuapzo
0 Comments