ZabilianZ

#ZabilianZ July 31: Kum 2011 - 2014 chhunqa Mizoram Larsap, Congress party hruaitu hlun ni bawk Vakkom B. Purushothaman chu kum 95 mi niin a thi. Mizoram Larsap hlui hi Thiruvananthapuram, Kerala-a a chenna in-ah vawiin khan a thi niin Kerala Congress party hruaitute chuan an sawi. Mizoram Larsap Dr Hari Babu Kambhampati chuan  Vakkom B. Purushothaman a ui thu sawiin, a kalsan a chhung te a tawrhpui thu a sawi. Chief Minister Zoramthanga pawhin Mizoram Larsap hlui Vakkom B. Purushothaman a ui thu sawiin, a kalsan achhungte a tawrhpui thu a sawi bawk. Mizoram sorkar hruaitu pawimawh tak tak dang te pawhin Mizoram Larsap hlui Vakkom B. Purushothaman an ui thu leh a kalsan a chhung te an tawrhpui thu an sawi hlawm. Vakkom B. Purushothaman hi Kerala state sorkar-ah Speaker rei ber niin, 1982 - 1984 leh 2001 - 2004 ah te Speaker a ni.

#ZabilianZ July 31: ZPM party-in Serlui biala an candidate atana an puan tawh Jimmy Laltlanmawia, Bethlehem Vengthlang, Aizawl aiah C Lalthanfela, Zotlang, Aizawl an ruat a. Champhai North biala candidate tura ruat Dr B Lalramzauva, Zarkawt Veng, Aizawl aiah Er. Ginzalala, Hunthar Veng, Aizawl an ruat bawk.  Bial pahniha candidate tura ruat hmasak ten mimal harsatna avanga an phat avanga candidate hi siamrem an nih thu ZPM party hruaitute chuan an sawi.

#ZabilianZ July 23: NGO Co-Ordination Committee-in July ni 25, 2023 (Thawhlehni) chawhma dar 11 atang hian Aizawl-ah Manipur Zofate tawrhpuina leh an thlavang hauhna kawngzawh a huaihawt dawn a, Zofa zawng zawng te thhawkchhuak tura ngenin, hemi ni hian in tin-ah puan dum zar turin chhungtin te an ngen bawk.  Kawngzawh hi Chanmari leh Kulikawn atanga tan tura ruahman niin, Raj Bhavan hmar lam gate bulah intawkkhawm tura ruahman a ni a. Sorkar hnathawk, zirlai, sumdawng leh lirtheia eizawngtute pawh an hna tul te kalsana tel theuh turin NGO Co-Ordination Committee chuan a ngen a ni. Hemi ni vek hian Vairengtea VC zawng zawng leh NGO zawng zawng te tangrualin Vairengte-ah chawhma dar 10 atangin kawngzawh an huaihawt dawn bawk a. Vairengte hmar lam leh chhim lam atanga kawngzawh tura ruahmanin, kawngzawh chhung hian dawr te pawh khar turin an ngen a, lirthei veivak a awm loh na turin kawngzawh chhung chuan kawngpui pawh khar an tum a ni. Kawngzawh ni hian Manipur Zofate tanpuina turin mah

#ZabilianZ July 20: Sports Minister Robert Romawia Royte-in "tun sorkar chu hnathawk sorkar a ni" tiin project lung an phum zel anga an hawng zel dawn bawk niin a sawi.  Mamit district-a Sihthiang Sports Centre a hawnnaah vawiin khan he thu hi Sports Minister chuan a sawi a. Sports Centre thar chu Sihthiang khaw mipui ten tangkai taka an hman a duhsak thu sawiin, sports mai ni lo, cultural programme leh mipui intawhkhawmna atan tea hmang tangkai turin a chah.  Technical report-a a lan danin, Sihthiang Sports Centre sakna atan hian 2020-2021 khan Pradhan Mantri Jan Vikas Kaaryakram (PMJVK) scheme atangin Rs. nuai 102.59 pawm a ni a, za-a 90 (Rs. nuai 92.33) chu central sorkar tum niin, za-a 10 (Rs. nuai 10.26) chu state sorkarin a tum thung.  July ni 18, 2022 atangin M/s Junior Consultancy Services-in hna an tan a, July ni 8, 2023 khan zo fel niin sorkar thuchhuah chuan a tarlang a. Sports Minister-in Sihthiang thalaite hman turin jersey leh ball a pe nghal niin a tarlang bawk

#ZabilianZ July 20: NGO Co-Ordination Committee vawiina thukhawmin, Manipur-a Zofate tawrhna hriatpuina leh tawrhpuina lantirna atan Mizoram pumah -Zo hnahthlak unaute thlavang hauhna kawngzawh- huaihawt an rawt a. Kawngzawh hun atan July ni 25, 2023 (Thawhlehni) chawhma dar 11 an ruat nghal. Kawngzawh ni hian Mizorama In tin-ah Puan dum zar theuh turin NGO Co-ordination Committee chuan chhungtin te an ngen a. Sorkar hnathawk, zirlai, sumdawngte leh lirtheia eizawng te pawh an hna tulte kalsana kawngzawhnaah tel theuh turin an ngen a ni. NGO Co-Ordination Committee chuan Mizorama Meitei awm mek te pawh an sahimna atan fimkhur turin a ngen bawk. 

#ZabilianZ July 20: Core Committee: Mission Chhanchhuahna chu nimin khan Aizawl District Bawrhsap Dr Lalhriatzuali Ralte hovin Rangvamual Local council house-ah an thukhawm a. 'Mission Chhanchhuahna' hi Rangvamual leh Phunchawng venga eizawnna mumal neilo, zu zuar leh dan in a phalloh hmanga eizawngte chhanchhuahna tura ruahman a ni.  Senior Social Scientist Debashish Mukherjee leh a team ten an zirchian hnuah danin a khap thil hmanga eizawng te chu sorkar department hrang hrang scheme, loan leh service dang te hmanga an eizawnna thlak tura tangho tura ruahmanna siamin, hma la turin Core Committee leh Working Committee din a ni a. He mission atan hian Planning&Programme Implementation deptt. atangin SEDP hnuaiah sum ruahman a ni.  Bawrhsap hova thutkhawmah hian Rangvamual leh Phunchawng Local council, YMA leh Kohhran hruaitu ten an vengchhung harsatna hrang hrang - hriselna leh zirna lama an tlakhniam chhan nia an hriat te leh thil dang dang te an sawi a. Department hrang

#ZabilianZ July 17: Mizoram Rural Bank (MRB) Chairman thar Sheryl L. Vanchhong chuan vawiin khan Head of Stressed Assets Recovery Branch (SARB) Guwahati, SBI atangin MRB Chairman hna a zawm.  Sheryl L. Vanchhong hian MRB Chairmar nihna hi deputation-in kum 3 chhung a chelh dawn a. Kum 2001 ah State Bank of  India (Delhi Circle)-ah Probationary officer-a bultanin SBI branch hrang hrang - New Delhi, Kota (Rajasthan), Dehradun leh Noida-ah te a thawk tawh a. Kum 2006 ah NE Circle-ah sawn niin, Mizoramah pawh SBI New Secretariat branch, Mission Veng Branch leh Aizawl Main Branch-ah te Branch Manager-in a awm tawh a. Hemi hnu hian State Bank Institute of Learning & Development (SBILD) Guwahati-ah faculty hna a thawh leh a, SARB Guwahati, SBI ah awm lehin heta tang hian MRB Chairman hna hi a zawm a ni.  Mizoram Rural Bank hi September, 1983 ah Regional Rural Banks Act 1976 hnuaiah din a ni a. MRB shareholder-te chu Sorkar laipui (50%), Mizoram sorkar (15%) leh SBI (35%) te niin, MRB hian

#ZabilianZ July 17: MNF Adviser Prof. F. Lalnunmawia'n "Uniform Civil Code (UCC) do turin Mizorama political party zingah MNF baka tha an awm lo," a ti.  Vawiina MNF party chhung inkhawm, MNF Hnam Run-a neihah he thu hi MNF Adviser, MLA ni bawk F. Lalnunmawia chuan a sawi a. Mizo hnam leh sakhua venghim turin MNF baka party tha dang an awm lo niin a sawi. F Lalnunmawia chuan "MNF sorkarin hian CAB/CAA pawh theihtawpin a lo do tawh a. CAB kan duh loh thu Assembly session-ah March 20, 2019 ah pass a ni tawh a; a hnu Oct 5, 2019 khan CM zahawm tak Pu Zoramthanga’n hmaichhanah he dan kan duh loh thu Union HM Pu Amit Shah a hrilh a, kan MP te pahnih pawhin he bill an duh loh thu hi an auchhuahpui bawk a ni. Tichuan, tribal te chenna NE State te chu exempt kan ni ta a, he dan hian min huam ve ta lo a ni," a ti. MNF Adviser F Lalnunmawia chuan "Tunah UCC hman tumna thawm a lo ri leh a, hei pawh hi kumin Assembly session February 14 khan kan duhloh thu kan pass t

#ZabilianZ July 17: Congress party-in thu belhchiandawllo sawiah ZPM Leader Lalduhoma an puh a. Hemi chungchangah hian a finfiahna pawh an nei niin an sawi.   MPCC Media deptt-in vawiin khan Aizawl press club-ah thuthar thehdarhtute kawmin, hemi chungchang hi an sawi a. "Lalduhoma'n October ni 29, 2018-ah Zaingen YMA hall, Khawzawlah 'sorkarin Lengte-a ISPAT Industry hnenah loan cheng vaibelchhe za tam tak pein, sorkar chu guarantor-ah a tang nghal' a ti a, he a thusawi video hi youtube lamah te pawh thehdarh a ni" an ti a. "MPCC legal cell member Laldingngheta'n RTI hmanga hemi chungchang a zawhna Commerce & Industries Deptt-in July ni 4, 2023-a a chhanna erawh chuan 'Commerce & Industries department, Govt of Mizoramin ISPAT Industry hnenah loan pek a nei lova, guarantor-ah pawh a tang lo" tih a nih thu an sawi.  February ni 21, 2012-a sorkar thuchhuahah pawh ISPAT Industry-in loan an dilnaah Industry Director leh Mizoram sorkar pawh g

#ZabilianZ July 17: Zoawi Kut - tun thla ni 27-28 ah hian Dawrpui Multipurpose Centre-ah Mizo Zaimi Inzawmkhawm (MZI) leh Art & Culture Deptt. tangkawpin an buatsaih dawn a. NE state hrang hrang atanga zai tur mimal leh band te bakah NE state hrang hrang cultural troupe te pawh biak fel an ni tawh. Zoawi Kut hi July ni 27, 2023, chawhnu dar 2-ah Chief Minister Zoramthanga'n a hawng dawn a, zan dar 9 thlengin NE state hrang hranga mimal zaithiam leh band tha tak tak te, hnam lam chi hrang hrang te nen hun hman a ni ang. Kut hman chhungin a hmunah ei leh in chi hrang hrang zawrhna food stall a awm dawn a, thil dang chi hrang hrang zawrhna stall a awm dawn bawk. July ni 28, 2023-ah Zoawi Kut hi chhunzawm a ni ang a, Art & Culture Minister R Lalzirliana'n a telpui ve thung ang. Mizoram leh state dang atanga zaithiam tak tak te leh hnam lam thiam tak tak te an inlan leh dawn a, hemi ni vek zan lamah Kut khar a ni ang. Zoawi Kut hi Zonet leh LPS bakah AIR, Aizawl station atan

#ZabilianZ July 14: Mizoram Youth Commission (MYC) Chairman Dr. Vanlaltanpuia'n Mizo thalai tan Science leh Mathematics-ah nasa zawka tanlak tul a tih thu a sawi. Nehru Yuva Kendra (NYK), Lunglei buatsaih Higher And Technical Institute of Mizoram (HATIM) Conference hall, Lunglei-a ‘Yuva Utsav Lunglei district level Youth Festival’ a hmanpuinaah hi thu hi vawiin khan MYC Chairman chuan a sawi a. "Saptawng pawh kan thiam viau laiin tawng dik leh lam dan dik kan zir nasat a la ngai hle" a ti.  MYC Chairman chuan zirna kalphung danglam zel pawh zirlai ten an luhchilh thiam chuan hmalam hun atan kawng zau tak a inhawng tih a sawi a. Kalphung thar lo chhuak zel hmanga hmalam hun thlira mahni khawvel tizau tur chuan thawhrim erawh a ngai tih kan hriat reng a pawimawh thu a sawi. "Tunlai khawvel hmanraw tha leh changkang tinreng kan neih tawh lai hian khawvelin zirna an kalpui dan te, ramdang thalai ten hmasawnna an kalpui dan te hriat zau tumin tum sang tak neiin thawhrimna

#ZabilianZ July 14: All India Sainik School Inter Zonal Football tournament, Golpara, Assam-a khelh zawh takah Champion Sainik School, Chhingchhip (Junior-under 17 team) ami Michael Lalrinchhana, Chaltlang, Aizawl chu Best Player-ah an thlang.  Thu kan dawn hmasak danin, he tournament kharna leh lawmman semna chu naktuka neih tur ni mahse, vawiin tlai khan lawmman te sem a ni ta zawk a. He tournament chhung hian Sainik School, Chhingchhip atangin goal 8 thun mi pathum - Agastia Thapa (Captain), Bawngkawn, Aizawl; Michael Lalrinchhana, Chaltlang, Aizawl leh Lalramengmawia, Darlawn te an awm a, an Captain hian mit lama harsatna a neih avangin match hnuhnungber a khel lo. An pathum atang hian Michael Lalrinchhana chu Best Player-ah thlan a ni.  Sainik School, Chhingchhip team chuan an Principal Wg. Cdr. Shahul Hameed (Indian Air Force) leh Administrative Officer Maj. Kalyan S (Indian Army) ten an phurpuina leh thlawpna avang leh an mamawh apiang an ngaihtuahsak thin avanga an lawmthu an s

 #ZabilianZ July 14: MNF party Sr. Vice President Tawnluia'n kan party chuan Uniform Civil Code (UCC) hi a nihna ang anga hman chi a ni lo, kan ti" a ti.  MNF party chhung inkhawm, vawiina MNF Hnam Run-a neihah he thu hi MNF Sr. Vice President chuan a sawi a. "Mizote nun, sakhua, vantlang nun leh ram leilungte chu India Parliament-in a tidanglam thei lovang' tiin kan constitution-ah a inziak ngat a, he article 371G hi engtikawng zawng pawhin humhim turin a tawp thlengin kan bei ang" a ti.  Tawnluia chuan "keini chuan article 371G tanchhan khan hetia hrut rual ve pawrh chi kan ni lo, kan dikna hi kan humhim zel dawn, kan dikna chanvo humhimnaah kan chian ve a ngai" a ti a. "Politics chu a hranin lo kal rawh se, UCC lakah erawh kan inhumhim a ngai a, kan party pawhin kan duhloh thu kan thlen tawh a, kan MP te, kan President leh sorkar ang pawhin kan thlen tawh a, UCC hi Mizorama hmang lo turin kan theih chhung chu kan bei zel dawn a ni", a ti ba

#ZabilianZ July 14: MPCC Treasurer a nihna atanga bang ta, Congress party-a nihna/chanvo chelh nei ta rih lo Zodintluanga Ralte chu vawiina Congress party-a mithar lawmluh inkhawmah MPCC President, Vice President leh Treasurer te nen tlar khatah an thuho. Congress party thil tihnaah a tel tha duh vak lo nia sawi awm chungchangah Thorang bialtu MLA Zodintluanga chuan hetianga lo sawitu an awm a nih chuan thil an hriat fuh tawk loh vang nia a rin thu ZabilianZ a hrilh a. A hman phawt chuan Congress Bhavan-ah pawh a kal nitin niin a sawi. Party thil tihna tam taka a tel tak loh thin chhan chu thil dang vang ni lovin, party-a chanvo pawimawh chelh te a neih tak loh avangin a hma aiin hunawl te pawh a nei tam ta deuh a, a bial lamah leh chhungkaw lam thilah te hun a hman tam theih tak vang mai niin a sawi a. An party hruaitute lakah rilru danglam a putzui loh thu sawiin, party tana a thahnemngaihna a la ngai reng niin a sawi bawk. Lal Thanhawla Auditorium-a mithar lawmluh inkhawmah hian MPC

#ZabilianZ July 14: C. Vanlalawmpuia Vanchiau lehkhabu ziak -Rambuai Literature (Revised & Enlarge)- chu vawiin khan Dr. Malsawmliana'n The Book Cafe, Chanmari, Aizawl-ah a tlangzarh.  Dr. Lalsawmliana chuan rambuai chanchin chu tunlai thangthar ten an ngaihven thar hle nia sawiin, a chhan chi hnih a awma a lan thu a sawi a. "A pakhatna chu research atan a ni a, kan rambuai hi research field tha tak a lo ni reng mai. A pahnihnaah chuan ram vei tak tak thalai an lo chhuak zel a, chu ram veina chuan rambuai chungchang hi a ngaihventir a ni" a ti.  "Rambuai chanchin atang hian tun dinhmuna hma kan sawnna tur lam te hi zirchhuak tel thei ila a duhawm hle a ni" Dr Malsawmliana chuan a ti bawk.

#ZabilianZ July 14: All India Sainik School Inter Zonal Football tournament, Golpara, Assam-a neihah Sainik School, Chhingchhip (Junior-under 17 team) an champion a, kumin September-a Delhi-a Subroto Cup khelh turah India ram puma Sainik School ai an awh ang. Rampum huapa Sainik School te football-a an inelnaah hian ram pum chu zone nga - North, South, East, West leh Central zone-ah then niin, kumin June thlaa zone tin inelnaa champion theuh te chu tun thla ni 10 atang khan Goalpara, Assam-ah an inel leh a. He inelna hi League system-a kalpui niin, point hmu sang ber chu champion-a puan thin an ni.  All India Sainik School Inter Zonal Football tournament-ah hian Sub-Junior (under 14) leh Junior (under 17) inelna a awm a. East Zone inelna June 28-30, 2023-a Nagaland-a neihah Sainik School, Chhingchhip sub-junior (under 14) team chu 2nd runner-up niin best goal keeper erawh an chang thung a. Junior (under 17) team erawh point hmu sang berin an Champion a, an Captain Agastia Thapa, Bawngk

#ZabilianZ July 13: Manipur-a Kristian Biak In tam tak leh quarters tam tak hal a nih hnu pawha BJP kaihhruai sorkar laipui a la ngawih reng avangin BJP, Mizoram State Vice President R. Vanramchhuanga'n BJP, Mizoram State Vice President a nihna atanga banna a thelhlut. R. Vanramchhuanga chuan Kristian Biak In tam tak hal a nih hnua Union Home Minister Amit Shah-a'n Manipur a tlawh tum pawhin Biak In hal chungchang engmah a sawi lo tih a sawi a. Kristiante Pathian Biak In leh kohhran building tam tak hal ral chu a dem thu sawi. Mizoram hmasawna tura hna thawh theih a beisei avanga BJP chu zawm a nih thu R. Vanramchhuanga chuan a sawi a. May 3, 2023 atanga buaina a chhuah hnu ah Meitei hovin Kristian Biak In leh quarters tam tak an hal tawh hnu pawha leh Union Home Minister-in Manipur a tlawh hnu ah pawh an la hal zui zel te, sorkar laipui hotu ten Kristian Biak In hal an dem thu emaw, pawi an tih thu emaw pawh an sawi miah lo chuan Meitei ho chet dan chu an remtihpui a nih a ri

#ZabilianZ July 13: Mizoram pradesh youth Congress committee (MPYCC)-in June ni 27, 2023-a ZPM Leader Guwahati-a kalin hmarchhak biala BJP-in party dang te a thawpuina North east democratic alliance (NEDA) Convener, Assam Chief Minister ni bawk Himanta Biswa Sarma an hmuh leh hmuh loh sawifiah turin Lalduhoma an phut.   Congress thalai chuan Lalduhoma'n June ni 27, 2023-a Guwahati a panna thlawhnaa chuang ve BJP Minority Morcha National Secretary chu Guwahati airport-ah motor changkâng takin a lo hmuak nia sawi a awm tih an sawi a. NEDA Convener Himanta Biswa Sarma hmu tura kal an ni tih thawm a awm nia sawiin, "UCC hman tumna boruak a awm lai leh sakhaw zalenna nêkchêpa a awm lai hian heng thu lêng vâk hian Mizoram mipuite thinglungah ngaihthatlohna a tilian hle" an ti. MPYCC chuan "ZPM Leader leh BJP Minority Morcha National Secretary te hian Himanta Biswa Sharma an hmu ngeia sawi a ni a, ni 27-a Guwahati-a kal, a tuk ni 28-a rawn haw leh nghal hian BJP palian

#ZabilianZ July 13: PC party-in Govt. Complex ni thin, Ainawn Veng ni taa sorkar quarters, sorkar-in ṭhiah a tum zinga a tam ber chu ṭhiah ngai lo, kum engemawzât la luah tlak a ni tih an finfiah niin an sawi.  PC party chuan Ainawn Venga sorkar quarters thiah tum mek te chu vawiin khan an President Vanlalruata hovin an tlawh a. PC party President chuan "June 22, 2023-a sorkarin quarters luahtute chhuak tura a tih na hi, quarters building te a hmuna kan enfiah vek hnuah thil ṭullo tawp a nih avangin order hi sût lehnghal turin sorkar kan ngen a ni," a ti. Building ṭhiah tura tih 47 zîngah ṭhiah ngai pahnih khat bak a awm lo niin PC party President chuan a sawi a. Quarters thiah tura tih ah te hian chhungkaw 180 vel an cheng mêk nia sawiin, quarters luah man pawh kumtin sorkarah Rs. nuai 100 vel a lut ziah niin a sawi.  Quarters ṭhiah tum te chu sakṭhat tumna a awm lo niin Vanlalruata chuan a sawi a. "sorkar hmalak tumna hi chhungkaw 180 chuang ṭul miah lova tih buaina

 #ZabilianZ July 13: Sport Minister Robert Romawia Royte-in vawiin khan Lungleia sports hmasawnna hnathawh te a tlawh a. Rs. nuai 1,800 sengin Moto sports racing tract siam tum a nih thu a sawi a. C. Thuamluaia mual-ah zana inkhelh theihna turin Rs. nuai 700 sengin flood light dah tum a nih thu a sawi bawk. Sports Minister-in a tlawh zingah Zobawka sport school sak lai, National Green Tribunal-in a chawlhlailâwk tir chu hna zaa 80 vel zawh tawh a ni a. He project hi Rs. nuai 3430.98 a zawh theih tura ruahman niin, hna tan leh hun tur erawh sawi theih a nih rih loh thu Sports Minister chuan a sawi. Lunglawna Community service centre sak mek pawh zaa 60 vel zawh tawh niin, Ramthar venga semi indoor futsal court pawh hna zaa 80 vel zawh tawh a ni a. Rs. 319.78 sênga sak zawh tura ruahman a nih thu sorkar thuchhuahin a tarlang.  Sports Minister chuan Rahsi Venga khelmual siam mek, Rs. nua 4919.31 senna tura ruahman te, Leitlangpui Hockey khelmual siam mek Rs. nuai 1108.7 senna tura ruahm

#Zabilianz July 13: Zofa zaithiam zinga hriathlawh ber pawl Sawmtea Chhangte chu Manipur leh Myanmar buai avanga Mizoram beltu Zofate tan a che dawn a, Zofa harsatna tawk te tan sum tuakin Maryland, USA-ah concert a nei dawn. Sawmtea concert hi tun thla ni 16 leh 17-ah Mizo Society of America leh Chin Community of USA-in Chin Baptist Mission Churh (CBMC), Maryland-ah an huaihawt dawn a. Zofa zaithiam dang - Joseph Suanlian, Rebecca Fanai, Sabina Fanai leh Sui Par Chin ten an tawiawm bawk ang a, he concert-a zai te hi live music hmang veka rem a ni ang.  He concert atanga sum hmuh zawng zawng te chu Manipur leh Myanmar buai avanga Mizoram beltu Zofate puihna atan CYMA kuta hlan tura ruahman a ni. Manipur leh Myanmar buai avanga Mizoram beltu Zofate tana a che chhuak thei tur hi lawmawm a tih thu Sawmtea chuan a sawi a. Mizoramah pawh vawi tam tak charity thila a penchhuah tawh thu sawiin, midangte a tanpui ve theihna kawng nia a hriat a tihlawhtling thei thu chu a lawm thu a sawi bawk.

#ZabilianZ July 11: Lunglei Municipal Council thara Councillor atana thlan hmasakber ten anmahni hmalaknain ni thum chhung Administrative Training Institute (ATI), Aizawl-ah an training dawn a, training hi vawiin khan tanin, ATI Director Maria CT Zuali'n a hawng.  Training-ah hian sorkar inrelbawl dan te, mipui vantlang tana zau zawka rawng an bawl theihna tura pawimawh tak tak te an zirho dawn a. LMC Councillor te hian sorkar kalphung leh inrelbawl dan te ATI hmunah riahchilhin an zirho dawn a ni.  Joint Director, (Trg) Lalremruata Ralte leh Core Faculty Golda Dell Zohmangaihi te Course Coordinator an ni dawn a, vawiin khan LMC Councillor te nen tul leh pawimawhte sawihovin an inkawm nghal a. Training-ah hian sorkar kalphung piah lamah sorkar scheme hrang hrang te, municipal regulations te, personality development leh leadership training te bakah Co-curricular & extra-curricular te pawh an zirho dawn niin an sawi. 

#ZabilianZ July 11: Kolasib district MJA hruaitu ten vawiin khan Kolasib Bawrhsap John LT Sanga hmuin, Kolasib khaw chhunga sorkar ram mimal hnena ṭheh tuma hmalakna a awm nia lang chungchang an sawipui.  Tunhnaiah KVK, Kolasib ram chu mi ṭhenkhatin neihsak tumin chhinchhiahna te pawh an lo kheng niin Kolasib Dist. MJA hruaitute chuan an sawi a. KVK ram chauh lo pawh Kolasib khaw chhungah sorkar department ram ṭhenkhat chu mimal hnena ṭheh tumna a awm nia an hriat thu pawh sawiin, dan tlawhchhan awm lova chetna hriat tur awm leh ṭhin chu ṭhalo an tih thu Bawrhsap chu an hrilh.  Kolasib Bawrhsap chuan tunhnaia KVK ram chhuh tumna awm nia sawi chu a hmunah SDC tirin a enfiah tir tawh tih Kolasib MJA hruaitute chu a lo hrilh a. Dan tlawhchhan mumal tak neia sorkar department ram te chu humhalh a nih thu leh sorkar deptt. ram reng reng, a neitu deptt. phalna lo chuan luahsak emaw chhuhluih tum chu dan bawhchhiatna a nih thu a sawi bawk. KVK, Kolasib hotute chuan KVK rama chhinchhiahnat

#ZabilianZ July 11: MNF Adviser chuan, Prof. F. Lalnunmawia'n hmun hrang hranga Zofate, an awmna hmuna buaina chhuak avanga Mizoram beltute chu Zoramthanga kaihhruai sorkarin huaisen taka an thlavang hauhin a lo kuahkhawm niin a sawi a. "Hei hi Zoram chhung leh pawna Zofa ten thlamuanthlak an ti hle a ni" a ti.  Aizawl South III bialtu MLA ni bawk F. Lalnunmawia chuan a biala Lungsei khuaa MNF party-a mithar a lawmluhnaah he thu hi vawiin khan a sawi a. Sorkar leh MNF hruaitu ten famkimlohna nei mahse, sorkarin Zofate leh Zoram tana theihtawp a chhuahnate mipuiin an hmuhin Zoramthanga kaihhruai sorkar-ah rinna an nghat mek niin a sawi.  F Lalnunmawia chuan mi thenkhattin sorkar leh an hotute chu thu belhchiandawllo hmangin an bei thin nia sawiin, chuti chung chuan Covid-19 avanga kum 3 vel chauh a taka hna thawhna an nei chung pawhin sorkar hnathawh leh thil tih ṭhat te mipuiin an hai lo niin an sawi a. An elpui party te chu an va tihbuai ni hauh lovin tihbuaiin an aw

#ZabilianZ July 11: Mizoram pradesh Congress committee (MPCC) Treasurer Dr. Lalmalsawma Nghaka'n BJP-in an hmanruaa an hman ve theih loh party pakhat chiah a awm, chu chu Congress party a ni" a ti. Serchhip-a vantlang inkhawmah he thu hi nimin khan MPCC Treasurer chuan a sawi a. India ram chu ṭhuang hnih lianpuiin a kal mek nia sawiin, khawvela politics-a hausa ber BJP leh a thawhpuite ṭhuang khatah awmin, "anni hi Hindu lalram dina, a rang thei ang bera Uniform Civil Code min hman tir tum tute an ni" a ti a. "A ṭhuang lehlamah India zalenna sual chhuaktu Congress leh a thawhpuite an awm bawk a. India ramah hnam hrang hrang leh sakhaw hrang hrangte zalen taka an awm theihna tura thawk ṭhin an ni thung. Khawi lamah nge bân kan phar dawn? Sakhaw tê zawkte nuai chimih tumtute lamah em ni bân kan phar dawn", a ti. MPCC Treasurer chuan "kan ṭhenawm state ah BJP sorkarna hnuaiah Zohnahthlak ten chi leh chi intihbuaina avangin harsatna an tawk mek a. Biak I

#ZabilianZ July 11: Hachhek bialtu MLA Lalrindika Ralte-in vawiin khan kuthnathawktu aiawha Chief Minister Zoramthanga hmuin, dan lova Kuhva tawlhruk ti tawp tura awmze neia hma la nghal turin a ngen. Hachhek bialtu MLA chuan Chief Minister hnena a lehkha thehluhah chuan kuthnathawktu ten dan lova Kuhva tawlhruk an tawrh dan leh dan te Prime Minister hnenah pawh a lo thlen tawh thu leh dan lova Kuhva tawlhruk titawp tura ngenna pawh a lo thlen tawh thu a tarlang a. Ministry of Home Affairs pawhin Mizoram Chief Secretary pawh Kuhva tawlhruk titawp tura hma la tura a hriattir tawh thu pawh a tarlang a. Heti chunga Mzioram sorkarin Kuhva tawlhtuk titawp tura tih tak taka hma a la duh lo chu hriatthiam har a tih tawh takzet thu a ziaklangin, Mizoram sorkara mipawimawh te zingah Kuhva tawlhrutu thawhpui an awm ngeia ringtu tam tak an awm pawh mak a tih tak loh thu a tarlang. Mizoram sorkarin hma a lak țhat duh loh avangin Kuhva chingtu ten an eizawnna humhimna turin hma an lak a ngai ta țhi

#ZabilianZ July 10: Miss Universe-a India aiawha tel tur thlanna Mumbai-a neih tura North East atanga tel tur thlanna -Miss Diva Universe NE- tun thla ni 2-8 chhunga Guwahati-a neihah Mami Khawlhring, Mizoram chu Designer tha bera thlan a ni a. He inelnaa Mizoram atanga tel Jennifer Ralte erawh top 5-ah inhlangkai mahse, a vanduai ta thung. Miss Diva Universe NE-a Best designer award hian Rs. nuai 1 bakah thilpek dang Rs. nuai 1 man hu a keng tel a. Tuntimah hian kum danga an ngai loh NE state 8 atangin designer 1 theuh thlangin an inel tir a. Mami hi designer tha berah thlan niin, Miss Universe-a India aiawha tel tur thlanna Mumbai-a neih tura designer thlan zingah pawh tel mai thei dinhmunah a ding mek a ni. Miss Diva Universe NE atan Daisy Khound, Assam thlan a ni a. 1st runner-up leh 2nd runner-up Snigdha Baruah leh Anushka Lekharu te niin, Assam atanga tel ve ve bawk an ni. He inelnaah hian Miss Universe India 2022 Divita Rai; Natasha Grover (Brand & Operations Head, Miss Indi

#ZabilianZ July 08: Mizoram Govt. Doctors' Association (Mizoram Health Service) member ten July ni 10 leh 11, 2023 ah lungawilohna lantir nan an hnathawhna hmun țheuhah badge dum an bel dawn.  Mizoram Govt. Doctors' Association chuan sorkarin a din, Addl CS Chairman na MHS restructuring committee-in kum khat kaltaa a recommend tawh te tun thlenga a la hlawhtlin loh avanga lungawilo an nih thu an sawi a. He committee-in a recommend tawh te chu tihlawhtling thuai turin sorkar an ngen. Sorkar atanga hmalakna lawmawm an hmu lo a nih chuan July ni 13-15, 2023 chhungin sorkar hnuaia thawk doctor zawng zawngin chawlh lak an tum thu an sawi bawk. 

#ZabilianZ July 08: MNF party-in MPCC President Lalsawta’n Congress ni tura duh bik leh thlan bik a nei niin an sawi a, "an president duh bik leh thlan bik ni lo tan Congress-ah hmun a awm meuh lo" an ti.  MNF party-a media & publicity deptt. hotu ten vawiin khan thuthar thehdarhtute kawmin he thu hi an sawi a. MNF party-in hma an sawn zel laiin Congress party leh ZPM chu an buai hle niin an sawi. Tunhnaiah Congress party Treasurer, MLA nilai Zodintluanga Ralte-in party-a a nihna a bansan thu sawiin, a ban chhan an president hnena na taka ziaka a hriattirna pawh Zodintluanga chuan zau takin a thehdarh niin MNF chuan an sawi a. Congress party-a PAC member, Minister of State pawh ni tawh KS Thanga pawhin Congress party atanga banna a thehluh thu leh a banna thehluhah sawihlawh tak thamna sum inpek chungchang thlenga a sawilan thu MNF chuan an sawi. Tuna Congress party hruaitu lian tak tak Congress party-a la awm te pawh MLA ticket chang lo tur chiang sa te an ni hlawm niin

#ZabilianZ July 8: Vairengte khawtlang tangrualin an din Vairengte College thar chu vawiin khan bialtu MLA Lalrinsanga Ralte-in a hawng a. July - December 2023 chhunga College-a thawkte hlawh tur pawh bialtu MLA chuan a pe nghal. Vairengte College hi kumin 2023 Academic Session atanga tan niin, Vairengte VC-II in College hmun tur ram an pe a. College building an neih hma chuan Vairengte High School-ah class an kal rih ang.  Govt. Saitual College Principal pension ta Dr. Lalsiamhnuna chu Principal hmasaber a ni a. Teaching faculty 6 leh LDC 1 in bul an tan chho mek a. Kumin July - December chhung thawktute hlawh tur zawng zawng bialtu MLA Lalrinsanga Ralte chuan tumsakin, College bultanna atan Computer a pe a. MLA-a thlan tlin leh a nih chuan kumtin Rs. nuai 10 aia tlemlo College enkawlna tur MLA fund atanga a dah ziah tur thu a sawi bawk. Vairengte College hi Evening shift-a kal pui phawt tur niin, Subject paruk - Education, Economics, History, English, Mizo leh Political Science tein

#ZabilianZ July 08: Tunhnaia Assembly Secretariat hna lak tawh, zirlai pawl pahnih MZp leh MSU in cancel tura an phut chu cancel a nih thu vawiin khan hriattirna tihchhuah a ni a, hriattirna tihchhuaha a lan danin panel list pawh cancel tel a ni. Zirlai hruaitute chuan Assembly Secretariat hna lak cancel na order pawh an dawng tawh niin an sawi a. Karleh Thawhnnia lungawilohna lantir chhunzawm an tum pawh an thil phut a hlawhtlin tak avangin an țhulh tih an sawi bawk.

#ZabilianZ July 07: Congress party-a mithar lawmluh inkhawm, Lal Thanhawla Auditorium-a vawiina neiha kalkhawm Congress party mi ten Manipur buaina chungchangah resolution siamin an pawm a. Kumin May ni 3 atanga Manipur-a Meitei leh Zofate inkara buaina phenah BJP sorkar thil tum ruk (hidden agenda) a awm ngeia an hriat thu an sawi.  "Kristian te Biak In tam tak suasam a, hal a nihnaah leh hnam tenau zawk te rawtchimih tuma, rawng taka hmalakna kal mekah Manipur BJP sorkar chu thuk takin a inrawlh ngei tih chu Congress party ngaihdan leh hmuhdan a ni" an ti a. Thil rapthlak tak, India ram inpumkhatna thlenga tiderthawng thei a thlen laia Prime Minister Narendra Modi a ngawi reng chu hriatthiam theiha an ngaih loh thu an sawi. He buainana a rang thei ang bera hmetmmit tura sorkar laipui tha chakna hmanga chak taka hma la nghal turin Prime Minister Narendra Modi chu an phut bawk.

Aizawl North II biala Congress candidate tur nia sawi R Lalrinmawia #ZabilianZ July 07: Vawiina Congress party-in mithar an lawmluh zingah kumina MLA inthlan lo awm tura Aizawl North II biala an candidate tur a tel.  Congress party chuan vawiin khan Lal Thanhawla Auditorium-ah mi thar lawmluh inkhawm inkhawm a buatsaih a. MPCC President Lalsawta'n vawiina mi thar a lawmluh zinga tel, CYMA-a Central Executive Committee member R. Lalrinmawia, Ramhlun North chu kumina MLA inthlan lo awm tura Aizawl North II biala Congress party candidate tur nia sawi a ni.  MPCC President Lalsawta chuan mi tha tak tak, ram siamthat tum Pathianin a pe zel nia awiin, "ram siamthat duh leh Mizoram tana sorkar tha siam tum an lo kal leh dawn" a ti a. "Tihfuh tum lova, Zorama khawvar tir tura lo lut, nihna leh ropuina duha lo lut ni lo, hnathawk tura lo lut an ni" a ti.  Lalsawta chuan "Politician te hi pawikhawihtu, thil tha duh lo, duham leh corrupt-ah mi tam takin an ngai thin,

#ZabilianZ July 07: Assembly Secretariat hna lak chungchanga vawiin chawhnua Chief Minister Zoramthanga hova sorkar aiawh leh zirlai aiawhte inbiaknain rah tha a la chhuah lova, zirlai ten karleh Thawhtanni (July ni 10)-ah Assembly House tuala punkhawm chhunzawm an tum. Assembly Secretariat hna lak chungchanga induhsakna uchuak a awm nia a lan avangin vawiin khan MZP leh MSU hmalaknain zirlai ten Assembly House tualah lungawilohna an lantir tan a. Tunhnaia Mizoram Legislative Assembly Secretariat hna lak chu sut leh phutin, Mizoram Legislative Assembly Secretariat recruitment rules thar hnuaia hna lak that an phut bawk.  Vawiina zirlaite an punkhawm lai hian Chief Minister Zoramthanga chuan zirlai hruaitute chu amah hmu tura a tih angin zirlai hruaitute chuan chawhnu lam khan Chief Minister Zoramthanga chu an hmu tih sawiin, a thurawn angin an duh dan te pawh ziakin a hnenah an thlen nghal niin an sawi a. Sorkar lam atanga thu lawmawm an la dawn loh avangin karleh Thawhtanni-ah lungawi

#ZabilianZ July 07: Assembly Secretariat hna lak dana lungawilohna lantirin vawiin khan Assembly House kawtah zirlaite an pungkhawm a. Tunhnaia Mizoram Legislative Assembly Secretariat hna lak chu sut leh an phut. Zirlaite pungkhawm chuan Mizoram Legislative Assembly Secretariat recruitment rules thar hnuaia hna lak that an phut a. Hna lak tawh sut leh a nih hma chuan hemi chungchanga zirlai pawl pahnih MZP leh MSU hmalakdunna chu chhunzawm zel an tum a ni.  Zirlai pungkhawm te hi țin tawh mahse, sorkar lamin a rawt angin zirlai hruaitute chu sorkar lam aiawhte nen Minister Lalruatkima hovin an inbe mek a, vawiin vek chawhnu dar 1 ah Chief Minister Zoramthanga hova inbe leh tura ruahman a nih thu dawn a ni bawk.  Tarlan tawh angin tunhnaia Mizoram Legislative Assembly Secretariat a hna hrang hrang - Assistant, Translator, UDC leh LDC laknaah induhsakna uchuak a awm nia ngaiin zirlai pawl pahnih MZP leh MSU in hna an la zui ta a. Assembly Secretariat lam chuan he hna lakah hian thil di

#ZabilianZ July 07: Comedian Search Season 15 chu August ni 17, 2023 a țan tura ruahman a ni a, 'LH Thanga Enterprise (LHTE) LPS Comedian Search 2023" tih a ni ang. Lawmman : Pakhatna - Rs. Nuai 1 bakah Scooter (Suzuki Access 125), TV, 1.6kW Solar hybrid power backup system.  Pahnihna - Rs. 50,000 bakah Refrigerator, Solar Heater (200ltr per day). Pathumna - Rs. 30,000 bakah Whing machine, Solar Heater (100ltr per day) te a ni ang. He inelnaa tel duh te tan LPS Office, Zarkawt leh LPS 9 Office, Dinthar-ah entry form lakchhuah theih a ni a. Aizawla awm remchang lo tan Ph no- 6033189238-ah office hun chhungin hming pekluh theih a ni bawk.

#ZabilianZ July 07: Vawiin hi MNF Founder President Laldenga (1927-1990) thih champha vawi 33-na a ni a. MNF President Zoramthanga'n Laldenga chu Mizo mipuiin an hre reng niin Twitter leh Instagram-ah tarlangin, "mi ropui, hnam thinlung neitu Pathianin Zofate min pe hi a vanneihthlak" a ti. Laldenga chu India ram mai ni lo, khawvela Mizo hnam pholangtu nia tarlangin, ṭhangthar zelte thinlunga Hnam thinlung (Nationalism) tuhtu niin Zoramthanga chuan a tarlang.  MNF President chuan Laldenga chu Mizo hnampa nia tarlangin, July ni 11, 1927-a Lunglei Pukpui khuaa piang a nih thu te, kum 1959-ah hova Mizo National Famine Front din a nih thu leh he pawl hi October 22, 1961-ah Mizo National Front (MNF) tia thlak a nih thu te. Kum 1986-a Mizoram sorkar lailawk-a Chief Minister nia, state nih hnua Chief Minister hmasaber a nih thu te a tarlang a. Kum 1990-ah Cancer a ni tih hriatchhuah a nih thu te, USA-ah thla thum enkawl a nih hnua Mizoram pana an haw kawnga Ashford Hospital, Lon

#ZabilianZ July 06: Lengteng bialtu MLA Dr. L. Thangmawia'n JJM scheme atanga Rs. nuai 1074.90 senna tur, a bial chhunga hmalakna Ngopa solar water pump siam mek chu vawiin khan a tlawh a. Amah lo dawngsawngtu PHE Sr. SDO Er. L. Zatluanga'n hna zaa 95 an zawh tawh thu leh an hna a tluan chuan tun thla chhunga zawh hman an inbeisei thu a lo hrilh. L Thangmawia chuan nizung chakna hmanga Ngopa tui lakna tur hnathawh mek chu chak taka kalpui nia a hriat avanga lawmawm a tih thu a sawi a. Ngopa-in nakum March thlaa KTP Inkhaawmpui lian a thlen dawn avanga hmanhmawh sak tura a ngenna PHE Deptt-in an ngaipawimawh avanga lawmawm a tih thu a sawi bawk. 

#ZabilianZ July 06: MHIP, Zotlang branch, Aizawl chuan vawiin khan Hmeichhe Jail - Central Women's Jail tlawhin, MHIP Day an hmanpuia, MHIP Day lawmna thilpek an hlan. Zotlang MHIP te hian an nu ten humsual an dai palh avanga jail-a an awmpui naupangte tan ei leh in tur chi hrang hrang, thawmhnaw leh diaper te bakah a tula an hman turin Rs. 20,000 an pe a. Jail thuneitute pawhin MHIP hminga tlawhtu an neih vawikhatna a nih thu leh an lawmthu sawiin, thilpek an dawn te avangin lawmthu an sawi bawk.

#ZabilianZ July 06: Aizawl West II bialtu MLA, Minster ni bawk Lalruatkima'n "Mizo hnam leh khawtlang inrelbawlnaah pawl pawimawh em em pathum an awm a - YMA, MUP leh MHIP te an ni" a ti a. Aia upate zah leh Zonun zemawi dang chhawmnun zel kawngah heng pawl 3-te hi an pawimawh hle tih a sawi. A biala veng pathum - Kanan, Tuikual South leh Dinthar Venga MHIP Day a hmanpuinaah heng thu te hi vawiin khan Lalruatkima chuan a sawi a. Zonun zemawi chhawmnun kawngah chhungkaw nu ber te awmna MHIP an pawmawh leh zual tih sawiin, an tu leh fate zirtir leh zilh kawngah nasa lehzuala hma la turin a chah. Fa neih tam inzirtir tula a hriat thu sawiin, Lalruatkima chuan nikum lama inchhiarnaah kohhran pakhatah phei chuan nau thar piang 18 chauh an nei niin a sawi a. "Fa neih tlem aiin fa neih tam hi inzirtir thar a ngai hialin ka hria" a ti. Ramdang ten Mizoram leh hnam hi engtinnge min hmuh tih ngaihtuah tur a nih thu pawh sawiin, Mizote hnam huaisen, tlawmngai leh taima hmu

#ZabilianZ July 06: Mizoram State Assembly House hrul Bazar-a chawhmeh/sa leh thil dang zuar te leh Treasury square bus stand bulhnai kawngkama thil zuar (hawker) te chu AMC Multi Complex, Tuikual South-ah suanluh tum an ni.  Aizawl Municipal Corporation (AMC)-in Tuikual South-a Rs. vbc 10.59 senga a sak AMC Multi Complex building hi kumin February ni 10-a hawn tum kha ni mahse, a awmna Tuikual South veng mipuiin hawn an remtih loh avanga thulh a nih hnuah nimin khan Aizawl Mayor Lalrinenga Sailo-in a hawng ta a ni.  Municipal Commissioner Er. Lalhriatpuia'n building sak leh hawn kawngah harsatna hrang hrang paltlang a nih thu a sawi a. Inphahhniamna nen indawr a nih hnuah harsatna hrang hrang te chinfel a nih thu a sawi.  Aizawl Mayor Lalrinenga Sailo chuan Tuikual South-a AMC Multi Complex chu a satu contractor-in tha taka a sa nia an hriat thu a sawi a. A enkawl zui kawngah AMC bakah a awmna veng Tuikual South mipuite an pawimawh tur thu a sawi. AMC Multi Complex chu mi tam tak

#ZabilianZ July 06: Lam lama hriatthlawh leh hlawhtling tak zing ami Lalhriatzela, Zuangtui Veng, Aizawl chu vawiin chawhma dar 10 vel khan an kawmthlanga electric hrui kalin a man avangin chatuan ram a pan. Kum 25 mi, Zoram leh Zoram pawn thleng pawha entertainment khawvela Nintendo tia hriat lar Lalhriatzela hi naktuk (July 7) chhun dar 12 ah vui a ni ang. Hriata hi Mizo lamthiam zingah chuan tawnhriat ngah leh thleng thui ber zinga mi a ni a, kum 2016-ah Mumbai-a Hip Hop International, Indian National qualifiers-ah 2 VS 2 All styles battle-ah Arunachal-a a ṭhianpa nen Gold Medal an la tawh a. Kum 2019-ah Star Plus channel buatsaih Indian dance reality show lar tak ‘Dance Plus’ ah top 32 a inhlangkaiin, Mizo zinga dance reality show leh lam lama inelnaa thleng sang ber a la ni a. Zonet buatsaih U Got Talent 2017-ah khan Snow Buzzer a dawng phak bawk. Heng bakah hian state leh regional level intihsiakah lawmman hrang hrang a la tawh a. Delhi leh Mumbai-ah te training-in, kum 2020 khan

 #ZabilianZ July 05: PHE Deptt-a Project Management Unit (PMU)-in vawiin khan Vanapa Hall-ah PHED-in Aizawl khawpui chhunga tui a sem viltu leh enkawltute pualin tuisem dana hmasawnna tur zirhona hun a buatsaih a. PHE Minister, Deputy Chief Minister ni bawk Tawnluia'n a telpui.  PHE changtu Dy. Chief Minister chuan PHED-a thawk te chu mipui nena inhnimhnai tak an nih avangin hawiher leh tawngkam thlenga an fimkhur a tul thu a sawi a. Urban water supply scheme hnuaiah Mizorama notified town 28 te hnianghnar taka tui pek nia sawiin, mamawhna a pun zel avangin a tihchangtlunna tur scheme dang ngaihtuah thin a nih thu a sawi. Khawpui lian te tui pek kawngah tui lakna hnar a that tawk tawh loh avangin harsatna an tawk thin niin Tawnluia chuan a sawi a. Tuihna humhalh kawngah mipuiin tan an lak nasat a tul thu a sawi.  Thingtlang khua zawng zawngin tui thianghlim leh hrisel an neih theihna tura sorkar laipui ruahmanna, Jal Jeevan Mission (JJM)-ah tui connection 133060 chuang pek tura r

 #ZabilianZ July 05: Disaster Management and Rehabilitation (DM&R) Minister Lalchamliana'n vawiin chawhnu khan Vaivakawn leimin tlawhin, he leimin kaihhnawih department hrang hrang te tunkar Zirtawpnia an inhmuhkhawm tur thu leh ruahmanna leh hmalak dan tur felfai zawk an ruahman tur thu a sawi.  DM&R Minister-in leimin avanga chhiatna thlenna hmun a tlawh rual hian amah tawiawmtu Aizawl Bawrhsap Dr. Lalhriatzuali Ralte-in leimin tuar chhungkaw 5 te hnenah State disaster response fund atangin tanpuina sum a hlan nghal.  State sorkarin khuarel chhiatna thleng palh thei atan sum dah sa nei mahse, leimin a awh chin a zauh tham avang leh a nghawng chhungkua thahnem tak an nih avangin National disaster management lama thlen tura ruahman a nih thu DM&R Minister chuan a sawi a. Local Council kutah tuna tul hmanhmawhthlaka hman tur sum leh silpaulin DM&R atangin a pe nghal bawk.  Vaivakawn Local Council Chairman Zothanmawia'n he leimin avanga harsatna an tawh te leh mam