ZabilianZ

#ZabilianZ Aug 31: Thla thum chhung hlawh la tawh lo Federation of Mizoram Samagra Siksha (FEMSE) member ten kumin Zirtirtute Ni (September 5)-ah badge dum an bel dawn. FEMSE chuan Samagra hnuaia thawk ten thla thum hlawh an la ta lo nia sawiin, central sorkar ațanga sum lo kal, state sorkar-a treasury lamin a hreng khawtlai chu a chhan hrang hrang awm zinga langsar ber niin an sawi a. Hei vang hian 1st installment pawh tlai taka dil niin an sawi. Sorkar hotute chu an dinhmun hriatsaka, an harsatnate a rang thei ang bera ngaihtuah ngei turin an ngen tih FEMSE chuan an sawi a. Samagra hnuaia thawk zawng zawng te chu FEMSE Council thurel ngaipawimawha kumin Zirtirtute Ni (Teachers day)-ah badge dum bel vek turin an ngen a. FEMSE hnuaia affiliated association hrang hrang member-te, sub headquarters hruaitute zawng zawng chu an huam chhunga member te ngaihvena, FEMSE Council rorel tihlawhtling ngei tura theihtawp chhuah turin an ngen bawk.#zabilianz #zabilianznews #zofatehuapzo 

#ZabilianZ Aug 31: Vawiin khan Ngaizel, Kulikawn-a D-3 Business Enterprise showroom thar chu Gilead Special School-a zirlai Lalrinthazuala (Tea) chuan a hawng. D-3 Business Enterprise showroom thar hi Upa Saithazuala, Kulikawn-in Pathian hnenah a hlan a. Showroom thar hawnna pual hian Proprietor Dr. Lalmalsawma Nghaka te chhungkuain Gilead Special School leh Shining Star Special School-a vohbik zirlai harsa zualte tanpuina tur sum Sikul Principal te hnenah a hlan nghal bawk. D-3 Business Enterprise hi LG, Haier leh AmritCem Cement distributor Mizoram tan an nih bakah, Rongli Animal Feeds tan Mizoram-ah distributor an ni. Vohbikte an ngaihpawimawh thu D-3 Business Enterprise neitute chuan sawiin, kumdangah pawh Gilead Special School leh Shining Star Special School-a zirlar harsa te an lo sponsor tawh thin a ni. Dr. Lalmalsawma chuan vohbikte ngaihpawimawh an tul zia sawiin, "Mizoramah special education leh vohbikte enkawlna bik kan tlachham hle a, enkawlna tha an hmuh phak loh avan

#ZabilianZ Aug 31: Vawiin khan AMC Ward IX bialtu, Executive Corporator B. Lalawmpuii'n a biala vengtin Local Council hruaitute hnenah Solar Lighting System (SLS) 170 a hlan a. SlS hi Local Council-in an veng țheuha a dawng awm mi an thlan te hnenah an hlan ve leh ang. B Lalawmpuii chuan "Tunlai hian duhthusama current eng a ṭhat loh avangin SLS hi inverter nei lo, miharsa zawk te hnena sem a ṭul ka ti a ni," a ti a. Zirlai harsa zawk te leh mahni In-a eizawnna kalpui ten ṭangkai taka an hman chu a duh dan a nih thu sawiin, chumi hre reng chunga a dawng awm mi, a mamawhtu tak hnena pe turin Local Council hruaitute chu a chah bawk. A biala Local Council hruaitu kalkhawm te chu bawlhhlawh paih dan dinhmun te Executive Corporator chuan a zawt a. Tuithiang, Saron, Dawrpui leh Chhinga Veng Local Council hruaitute chuan bawlhhlawh paih kawnga harsatna an tawh rih loh thu bialtu Corporator hi an hrilh hlawm.#zabilianz B.  Lalawmpuii chuan a biala bawlhhlawh paih dana harsatna a

#ZabilianZ Aug 30: Chief Minister Pu Lalduhoma'n vawiin khan USA panin Aizawl a chhuahsan a. Ruahman ang chuan naktuk Inrinni-ah New York a thleng ang. Ruahman lawk ang chuan Chief Minister hi US-a Maryland-a Mizo Day-ah khuallian a ni anga, Washington DC-ah US State Department Official te nen meeting an nei anga, Indianapolis-ah hun a hmang bawk ang. Chief Minister US zin hi sorkar laipuia Ministry of External Affairs hriatpua ruahman a nih thu thudawnna chuan a sawi a. US an thlen ve leh Consul General of India lamin an lo hmuak anga, a cham chhunga security an ruahmansak bakah a tul angin a programme-ah an tawiawm ang. Chief Minister hi a nupui Pi Liansailovi, a tunu Zodinthari (Numami) leh OSD to CM Pu Jonathan Lalremruata ten an tawiawm a. An senso zawng zawng chu US atanga sawmtu ten an tumsak dawn nia thudawn a ni bawk.#zabilianz #zabilianznews #zofatehuapzo

#ZabilianZ Aug 29: Mizoram chhung leh pawn atangin LBS Suzuki Youth Icon audition round paltlang mi 272 an awm a, September ni 10-ah round hmasaber intihsiak ṭan a ni ang. Audition round-ah hian mi 453 telin, Telegram leh WhatsApp kaltlangin Mizoram chhung aṭangin mi 440 bakah Tripura, Manipur, Mumbai (Maharashtra) leh ramdang Myanmar leh Oman atangin 13-in an zai video an thehlut a. Heng zing atang hian mi 272 thlan chhuah niin, Mizoram chhunga district 11 aṭangin tling an awm vek a; Aizawlin ngah berin 139, Mamit 26, Serchhip 25, Saitual 19, Champhai 16, Kolasib 15, Lunglei 10, Lawngtlai 8, Siaha 4, Hnahthial leh Khawzawl district aṭangin 3 ve ve an tling a, Mizoram pawn aṭangin mi 4-in audition round an paltlang bawk. September ni 10, 2024-ah LPS Studio, Zarkawt-ah round khatna inzaisiak ṭan a ni dawn a, September ni 21, Inrinni zanah round hmasaber result puan hman tum a ni.#zabilianz Top 10 inelna October ni 5 aṭanga Grand Finale October ni 19 zan thlengin LPS Arena, Falkland-ah m

#ZabilianZ Aug 26: Minister of State Lalnghinglova Hmar-in vawiin khan Meghalaya Deputy Chief Minister, Home Department changtu ni bawk Prestone Tynsong chu Shillong-a a chenna in-ah hmuin, Meghalaya-a Mizo ten in sak leh in thawmthat kawngah leh thil dang danga harsatna an tawh thin te a thlen. Meghalaya-a Mizo ten harsatna hrang hrang an tawh thin te chinfel a nih tur thu Meghalaya Deputy CM chuan a lo hrilh nghal niin Lalnghinglova Hmar chuan ZabilianZ a hrilh a. Sorkar official te pawh be nghalin, District Council huam chhung lama Mizo ten harsatna an tawhna biala CEM te pawh a be nghal a, Meghalaya-ah Mizo ten harsatna an tawh zui loh na tura hma la turin Dy. CM chuan a hriattir nghal niin a sawi bawk. Mizoram Excise & Narcotics Dept. changtu Minister of State Lalnghinglova Hmar leh Meghalaya Home Minister chuan ruihhlo do kawnga thawhho chungchang pawh sawidunin, Meghalaya-ah ruihhlo kaihhnawiha man Mizo te an awm ve thin avangin ruihhlo kaihhnawiha man Mizo an nei a nih pawh

#ZabilianZ Aug 26: MNF General Secretary, MLA hlui Dr. L. Thangmawia'n sorkar lai chungchang sawiin, "kum chanve awrh chauha hetiang em ema insawifiah nasa sorkar hi a awm ka la hre ngai lo", a ti. He thu hi MNF party chhung inkhawm vawiina neihah Dr L Thangmawia chuan a sawi a. “An sorkar tirh khan Chief Minister-in 'Minister-te dept enkawl dan tur road map kan nei vek a, kan policy duan tawhsa angin an kal ang', a ti a. Amaherawhchu tun thlengin mipuiin an road map kan la hmu lo, an sawi loh ang zelin an kal,” a ti. L. Thangmawia chuan Mizoram inthlanpui result zirchianna (mathematical analysis) atanga tehin MNF chu mipuiin an hnawl lo niin a sawi a. “Inthlan hnuhnung berah bial 13-ah chuan voter thar te nen kan vote hmuh percent a pung a, bial 22-ah MNF candidate ten inthlan hmasa aia sang zawk vote an hmu,” a ti. "CM-in portfolio a nei lovang, designation plate tar ve lovang, restricted tender ti ve lovang, minister-te zin zui duah lovang, chhiah tipung l

#ZabilianZ Aug 26: Syria rama hnathawka awm harsatna tawk Mizo hmeichhe pathumte chu hruai haw tura thla 4 dawn buaipui an nih hnuah tun thla ni 23, Zirtawpni khan Mizoram rawn thlenpui an ni. Kumin May thla tir khan Mizoram Police chuan thuchhuah siamin Syria rama mi in-a hnathawk (housemaid) Mizo hmeichhe pathumin harsatna an tawh thu leh hruai haw tura hmalak a nih thu an lo puang tawh a. Hmeichhe pathum hruai haw tura hma latu Mizoram Police hnuaia CID Special Branch-in thla 4 dawn an buaipui hnuah August ni 22 khan Mizoram rawn thlenpui an ni a, tunah hian Aizawla hmun pakhatah an awm rih a; tunkarah hian an khaw lamah an haw tura ngaih a ni. An hnathawhnaa harsatna tawk hruai haw kawnga hmalatu Police hotute chuan inhruai haw turin a kawng a thui hle niin an sawi a. Syria chu rambuai a nih avangin official in thil bawhzui a harsa hle nia sawiin, an ngen angin Syria, Damascus-a Indian Embassy-in an buaipui a, Mizo hmeichhia te leh anmahni ruaitute chu Syria-ah hian court-ah inkhin

#ZabilianZ Aug 26: Congress thalaiin vawiin khan Central sorkarin Kuhva chin belh a phallohna order copy dilna Chief Minister Office-ah an thehlut. Congress thalai chuan Ni 21.8.2024 (Nilaini)-a Mizoram Assembly thutkhawmah Chief Minister Pu Lalduhoma'n Central sorkar BJP-in Kuhva chin belh a phal tawh lo nia a sawi avangin Central sorkarin Kuhva chin belh a phallohna order copy dilna chu vawiin khan CMO-ah ziakin an thlen a. Chief Minister Pu Lalduhoma thusawi hian kuthnathawktute rilru na takin a hliam niin Congress thalai chuan an sawi. Central sorkarin Kuhva chin belh a phal tawhlohna order copy chu naktuk ni 27.8.2024 (Thawhlehni)-ah Chief Minister Office-a a copy lam hman tura lo inpeih turin Congress thalai chuan Chief Minister Office chu an ngen a. "Buaina siam tum kan ni lova, Kuhva chin belh khapna lehkha lam mai turin kan kal leh dawn a ni" an ti a ni.#zabilianz #zabilianznews #zofatehuapzo

#ZabilianZ Aug 26: AMC Ward VI bye-election a vote tla te chu vawiin khan chhiar a ni a. ZPM candidate Pu H. Lalremtluanga"n vote 2354 hmuin, vote 2273 hmutu Independent candidate, MNF leh Congress-in an thlawp Pi Lalrinfeli chu vote 81-in a hneh. ZPM party chuan "ZPM party chunga rinna nghata, Ward VI Corporator atâna ZPM party candidate thlang tlingtu Ward VI mipuite chungah thinlung takin lawmthu kan sawi" a ti a. Block leh unit-a an party worker te thawhrimna leh an candidate-in pekna pawh lawmawm an tih thu ZPM chuan an sawi. Corporator atana thlan tlin tak chu a bial chhûng leh Aizawl khawpui tâna rawng a bawlna turah ZPM chuan duhsakna an hlan a. Bial mipuite tâna chhawrnahawm tak a nih an beisei thu leh chutiang tur chuan duhsakna an hlan thu an sawi bawk.#zabilianz MPCC & MNF Joint Campaign Committee pawhin thuchhuah siamin AMC Corporation atana thlan tlin tak Pu H. Lalremtluanga an lawmpui thu an sawi a. "Aizawl khawpui leh Ward VI hmasawnna hna tluang

#ZabilianZ Aug 19: Vawiin hi World Photography Day vawi 185-na a ni a, he ni puala programme hrang hrang buatsaih, ni thum awh tur chu vawiin chawhma dar 10:30 khan Art & Culture Minister C. Lalsawivunga'n a hawng. World Photography Day pual hian I&PR Department, Mizo Photographers' Society (MPS) leh Photography Club of Mizoram (PCOM) te \angho chuan Vanapa Hall-ah hian Photo Exhibition, photography workshop leh thlalaka inelnate an buatsaih a. Thlalak leh a kaihhnawih thil chi hrang hrang lei theiha pho chhuah a ni bawk. 185th World Photography Day lawmna hawnna inkhawm, MPS President Zoramchhana kaihhruaia neihah hian thlalaka inelna chi hrang hrang lawmman te sem a ni a. He inelna hi hlawm hrang hranga then niin, hlawm hrang hrangah mi 97-in thlalak 468 an thehlut a. One earth 99; Color 205 leh Monochrome thlalak 164 te an ni.#zabilianz One Earth-ah pakhatna - Lalhlunmawia Hauchhum; pahnihna Lalrinnungi; pathumna R. Lalnunchhana te an ni a. Colour-ah pakhatna Lalnunt

#ZabilianZ Aug 16: Indian Medical Association (IMA) Mizoram State branch-in thuchhuah siamin, tun thla ni 9-a RG Kar Medical College and Hospital, Kolkata-a post graduate zirlai hmeichhia pawngsuala thah a nih avanga lungawilohna lantir nan tun thla ni 17 (naktuk) zing dar 6 atanga a tuk leh ni 18 zing dar 6 (darkar 24) thleng India ram pumah medical service zawng zawng (emergency tiam lovin) titawp  a nih tur thu an tarlang. He ruahmanna hi IMA Gen. Headquarters-in a siam a nih thu IMA, Mizoram state branch chuan sawiin, IMA Mizoram state branch pawhin he nawrhna hi an thlawp thu leh an lo zawm ve tur thu an sawi a. Hemi hun chhung hian Mizorama Hospital (sorkar, private leh Mission hospital) zawng zawngah emergency service chauh kalpui a nih tur thu sawiin, OPD-ah doctor an thu dawn lo tih an sawi. He nawrhna hian private clinic te pawh a huam vek dawn tih IMA Mizoram State branch thuchhuah chuan a tarlang a. "Tihdam rawngbawlnaa thawktute chunga hleilenna thleng fo hi kan duh l

#ZabilianZ Aug 16: BJP National Mahila Morcha kaihhruaiin vawiin khan RG Medical College and Hospital, Kolkata-a doctor hmeichhia tualthihna duh loh lantirna hun hman a ni a. Mizoramah pawh BJP Mahila Morcha ten he hun hi an lo zawm ve. BJP Mizoram State Mahila Morcha chuan hmeichhiate chunga hleilenna thleng ṭhin pawi an tih thu sawiin, Kolkata-a doctor pakhat pawngsuala a nunna hial laksaktute chu man chhuak vek tur leh hremna na tak pe vek turin thuneitute an ngen a. "Hetiang thil sual tak titu te hi kan dem takzet a ni" an ti. Kolkata-a doctor thihna chuan Mizorama hmeichhiate  pawh ngaihsak an ṭul zia a tilang chiang nia sawiin, "hetianga rawva taka che thin te hremna na tak pek an nih theih nan leh midangte pawh hursualna laka an fimkhur theih nan hremna na zawka pek zel chu BJP Mizoram State Mahila Morcha chuan kan duh dan a ni" an ti a. "Sorkar enkawl damdawi in, RG Medical College and Hospital-a doctor chunga hleihlenna rapthlak tak thleng hi pawi kan

#ZabilianZ Aug 16: Manipur buai avanga Mizoramam raltlan Zofa te tana Mizo tawng zirna tur, Central YMA leh College-a Mizo zirtirtu inzawmkhawm pawl, Mizo Literature and Language Teachers' Academy (MILLTA) te buatsaih chu vawiin khan tan a ni. Raltlan te tana Mizo tawng zirna tur RAY Hall, Falkland Veng, Aizawla buatsaih chu CYMA President Lalhmachhuana'n a hawng a. Raltlante chu Mizorama zirtirtu thiam rualin Mizo tawng an zirtir dawn tih sawiin, an vanneih thu a sawi a. Mizo tawng chu inbiakpawhna atan mai ni lo, hnam inpumkhatna atan a pawimawh thu sawiin, raltlan chu chhuanlam ho te te siam lova, uluk taka Mizo tawng chu zir turin a chah bawk. Falkland Veng-ah hian Manipur atanga raltlan Zofa chhungkaw 59 awmin, mi 250 vel an ni a. Manipur district hrang hrang atanga lo kal niin, Mizo tawng thiam an duh thu CYMA hnenah an thlen a. CYMA hnuaia Literature Sub-Committee-in bawhzuiin, MILTA nen thawhhona thuthlung siamin, raltlan te tana Mizo tawng zirna chu kalpui tan a ni ta

#ZabilianZ Aug 15: Vawiina Chawngte-a Independence Day lawmna-ah zirlai 20 chuang damdawi in panpui ngaiin an chau a. Chawngtea SDO (C) pawh luhaia a tluk avangin damdawi in ah hruai niin zirlai te nen hian ngaihtuahawm zui erawh an awm lo nia thudawn a ni. Chawngte damdawi in atanga ZabilianZ thudawn danin vawiina Independence Day lawmnaa taksa chaklohna avanga buai damdawi in lama an lo chhinchhiah chu zirlai 22 bakah SDO (C) te an ni a. An vai hian taksa in tui a mamawh ang zat pai lo (dehydration) vang niin an sawi. Chawngte ‘C’ khelmuala Independence Day lawmnaa luhai avanga buai damdawi in panpui te hi damdawi in khumin a daih loh avangin chhuatah te leh remchang dangah te mut hahdam tirin drip te an khaisak niin Chawngte damdawi in-a thawk te chuan an sawi a. An vai hian ngaihtuahawma awm zui an awm lo niin an sawi bawk. Chawngte-a Independence Day lawmna hi zing dar 8:30 ah tan niin, MLA, CADC CEM ni bawk Rasik Mohan Chakma-a'n hnam puanzar pawtpharhin parade contingent te

#ZabilianZ Aug 15: Mizoram Pool player ṭha 16 te telna CK Hyundai Independence Day 9 Ball Pool Championship, Millennium Center Atrium-a khelh zawh takah Lalsangzela, Khatla South a champion. Vawiin tlaia final Lalrina Renthlei, Tuikhuahtlang leh Lalsangzela, Khatla South te inkhel a hmuhnawm hle a. Lalrina'n frame 3 a zawna a lak hnuin Zela'n frame khat a la a. Rina'n frame khat la lehin, 4-1 a Lalrina'n hma a hruai hnu ah frame an inlak chhawk zak zak a, Lalrina'n 6-3 a hma hruai leh hnu ah Zela'n a zawna frame 5 lain, 8-6 in a chak a, a Champion ta a ni. Championship kharna leh lawmman semna hun hman zui nghal niin, Mizoram State Sports Council (MSSC) Sr. SPO Lalrinmawia'n a hmanpui a ni. 

#ZabilianZ Aug 15: Vawiina Lawngtlai-a Independence Day hmanpuitu Minister Pi Lalrinpuii chu a thusawi tura ruahman sa sawi zo thei lovin a chau a, ngaihtuahawm erawh a ni lo nia thudawn a ni. Lawngtlai atanga thudawnnain a sawi danin Pi Lalrinpuii hi thu a sawi laiin taksa lam harsatna avangin thu sawi zawm thei lovin a chau a. Doctor ten an enfiah hnuah chawl hahdam rih tura an rawn angin, chawl hahdam turin Circuit House lam a pan a ni. Lawngtlai-ah hian tukin dar 8 khan Central YLA khelmual-ah India Independence Day lawmna hun buatsaih niin, Health Minister Pi Lalrinpuii'n a hmanpui a. Minister thusawi tura ruahman sa hi a thui hle niin thudawnna pakhat chuan a sawi a. Engemawchen a sawi hman a, taksa lam chaklohna avangin a thusawi tura ruahman sa chu a sawi zo thei ta lo niin thudawnna chuan a sawi.#zabilianz Health Minister chuan India ramin zalênna a neihna tûrin mi tam takin an nunna hlu tak an hlan a, an finna, thiamna leh theihna zawng zawng hlanin, an thatlai hun pawh t

#ZabilianZ Aug 15: Mizoram Pool player ṭha 16 te telna CK Hyundai Independence Day 9 Ball Pool Championship final, Millennium Center Atrium-a vawiin tlai dar 3:30 a khelh turah Lalrina Renthlei, Tuikhuahtlang leh Lalsangzela, Khatla South te an intum dawn. Vawiin chawhma dar 11-a semi final khelh hmasa zawkah - Lalrina Renthlei hian T Lalṭanpuia, Upper Republic hnehin final hi a lut a. Chawhnu dar 1-a semi final hnuhnung zawk khelhah Lalsangzela'n PB Liansangzuala, Dawrpui hnehin final hi a lut bawk. Tarlan tawh angin CK Hyundai I-Day 9 Ball Pool Championship hi Mizoram Snooker & Billiards Association (MSBA) buatsaih niin, tun thla ni 13 aṭang khan Millennium Centre Atrium-ah khelh tan a ni a. Explore Mizoram youtube channel-ah live a pekchhuah thin a ni.#zabilianz #zabilianznews #zofatehuapzo 

#ZabilianZ Aug 14: Mizoram Pool player ṭha 16 thlan chhuahte inlanna CK Hyundai Independence Day 9 Ball Pool Championship, Millennium Center Atrium-a khelh mekah semi finalist a chiang ta a. Naktuk chawhma dar 11 leh chawhnu dar 1-ah semi final hi an khel ang a, tlai dar 3:30 ah final khelh a ni ang. Naktuk chawhma dar 11-a semi final hmasa zawkah - Lalrina Renthlei, Tuikhuahtlang leh T Lalṭanpuia, Upper Republic te an intum ang a, semi final hnuhnung zawk, chawhnu dar 1-ah PB Liansangzuala, Dawrpui leh Lalsangzela, Khatla South te an intum ang. Semi final hmasa zawk leh a hnuhnung zawka chak zawk ve ve ten naktuk vek, tlai dar 3:30 ah final an khel zui nghal dawn a ni. Lalrina Renthlei, Tuikhuahtlang-in quarter final-ah 6-4 a Zonuntluanga, Electric Veng, Aizawl hnehin semi final a inhawlh lut a, Lalsangzela, Khatla South-in Khatla South mi bawk John Laldinsanga chu 6-1 hnehin semi final a lut bawk.#zabilianz PB Liansangzuala, Dawrpui Veng-in T Laltlansanga, Lunglei chu 6-2 a hnehin se

#ZabilianZ Aug 14: Mizo Students' Union (MSU) Aizawlin RIPANS hnalak chungchanga an hmalakna kal zelah vawiin khan MSU hruaitute chu Aizawl Bawrhsap Lalhriatpuia kaihhruainain RIPANS hotute nen an inbia. RIPANS-in June 25, 2024 a employment notice an chhuaha post 14 awmah scheduled tribe quota seat 1 chauh dah a ni chu MSU chuan dah belh turin an ngen a, RIPANS hotute chuan Central lam hotute dawrin DOPT ah file chu lut tawhin, MSU te chu lo nghak turin an ngen a, RIPANS ngenna chu zahawm an tih thu MSU chuan an sawi a. Hemi chhunga hna lak dang reng rengah local preference duhsak bik ni se, an ti a. RIPANS-in employment notice a chhuaha post 14 a post 4 unreserved post dahah pawh local mi ngei lak ni se, an ti bawk. MSU chuan RIPANS Hospital din tura hna lak chungchanga circular chhuaka NORCET hmanga hna lak tura chhuah a ni chu a duh lo hle tih an sawi a. "NORCET hmanga hnalak a nih chuan hnamdang tam tak an lo lut dawn a, damlote tana harsatna tam tak thlentu a nih dawn ava

#ZabilianZ Aug 13: Congress thalaiin Sawhthing lei leh hralh chungchanga Grade A leh B a awm loh tur thu Chief Minister-in a sawi chu mipui bumna atana phuahchawp mai niin an sawi. Congress thalai chuan tunhnaiah Adviser to Chief Minister Dr. KC Malsawmzauva'n sorkarin Sawhthing a lei hunah Grade 'A' chauh a lei tur thu a sawi nia sawiin, hei hi ZPM research wing-in an zirchianna leh an ruahman dan a nih thu a sawi niin an sawi a. Adviser to Chief Minister chuan kuthnathawktute rilru a na hle nia sawiin, ZPM sorkar-ah rinna an nghat ngam tawh lo niin an sawi. He thil avang hian ZPM party an mangang nia sawiin, Congress thalai chuan ZPM party General Secretary ten Chief Minister Lalduhoma chu a office-ah Sawhthing Grade A leh B siam tum chungchang chu an sawipui tih an sawi a. Chief Minister chuan an party ziaktu lian te chu Sawhthing lei leh hralh chungchangah Grade A leh B a awm loh tur thu a lo hrilh ta nia sawiin, "hei hi mipui bumna tura phuahchawp mai a ni tih hre

#ZabilianZ Aug 13: Nimin tlai khan ZPM party General Secretary ten Chief Minister Lalduhoma hmuin, Sawhthing grade then chungchang an sawipuia. Chief Minister chuan Sawhthing lei leh hralh chungchangah grade A leh B a awm loh tur thu a lo hrilh. Chief Minister chuan, ruahmanna hmasaah chuan Sawhthing lei leh hralh chungchangah grade A leh B siam tumna a awm nia sawiin, "hei hi a chhan chu, tunhma lamin Sawhthing hralh chungchangah rilru pamham pu tawk an lo awm thin a, thenkhatin lei kai tifai mang lo leh a buk rih theih nan tui lo leih huh duh tawkte an awm thin a, hei hian insumdawn tawnnaah harsatna a siam thin tih kan hria a, kan sumdawnpuite nen thawhhona tha leh tlo kan neih theih nan he ruahmanna hi siam a ni" a ti a. "Amaherawh chu mipui lamin Sorkar ruahmanna hi an hriatthiam chiah loh avang leh kan kuthnathawktute rilru a hnual ang tih hlauvin he ruahmana hi mipui hriatthiam zawnga her rem a ni a, grade A leh B a awm dawn lo" a ti bawk. Sawhthing chingtu t

#ZabilianZ Aug 13: AMC Ward VI Bye-Election, tun thla ni 22-a neih tur atana party pahnih thawkdun MNF leh Congress , Chanmari West unit ten tukin khan joint meeting an nei a.  MPCC Vice President Pu C. Ngunlianchunga leh MNF Sr. Vice President Dr. R. Lalthangliana ten an telpui. MPCC & MNF, Chanmari Wedt Unit Joint meeting chuan an candidate ințawm Pi Lalrinfeli'n hnehna a chan ngei theih nan an thawhhona thuthlung vawng chunga theihtawp chhuah zel ni se, an ti a. Party hruaitu ten fuihna thu an sawi bawk. MNF leh Congress party thawk dun chuan party pahnih ten inlungrual taka thawhhona thuthlung an siam vawngnung tlat chunga a tawp thlenga theihtawp chhuah an tum a ni.#zabilianz He țhutkhawm hi Joint Campaign Committee Chairman, MPCC Secretary Pu Lalchhuanmawia"n a kaihhruai a. Chairman, -in a kaihruai a. Party pahnih hruaitute - MNF PAC Member Pu K. Lalthawmmawia, MNF Adviser Pu Ngurzamlova, MNF General Secretary, MLA hlui Pu C. Lalmuanpuia, MNF General Secretary, MLA h

#ZabilianZ Aug 12: CK Hyundai Independence Day 9 Ball Pool Championship chu naktuk-ah tan a ni dawn a. Mizoram Snooker & Billiards Association (MSBA) leh CK Hyundai te buatsaih tur Independence Day 9 Ball Pool Championship hian tun thla ni 15 thleng awhin, he inelna hi Millennium Center Atrium-a neih tur a ni. CK Hyundai I-Day 9 Ball Pool Championship-ah hian MSBA Top 16 player te an inlan dawn a. Lawmman atana Rs. 50,000 sem ralna turah hian Mizo player ṭha ber ber te an tel kim viau tura ngaih a ni a. Explore Mizoram youtube channel-ah live-a tihchhuah thin a ni ang. CK Hyundai Independence Day 9 Ball Pool Championship-a inlan tur te : 1. Lallawmkima, Khatla South 2. Zonuntluanga, Electric Veng 3. Lalṭhazuala, Chaltlang 4. T Lalṭanpuia, Upper Republic 5. PB Liansangzuala, Dawrpui 6. Lalsangzela, Khatla South 7. Lalchhandama, Dinthar 8. Lalrina Renthlei, Tuikhuahtlang 9. T Laltlansanga, Lunglei 10. K Lalngaihawma, Khatla South 11. John Laldinsanga, Khatla South 12. Roy Lalhriatpui

#ZabilianZ Aug 12: MZP hruaitu ten vawiin khan Supply Minister B. Lalchhanzova hmuin, Phuldungsei mi Mizoram ration card paihsak ten Mizoram atanga ration buhfai an dawn leh ngei theihna tura chak taka hma la turin an ngen. MZP hruaitute hian Phuldungsei mipui ten ration card-a harsatna an tawh chungchangah Supply Minister hi an lo hmu tawh tih an sawi a. Vawiin khan hmu nawn leh in Phuldungsei mipui ten Mizoram atanga ration buhfai an dawn ngei theihna tura chak taka hma la a, a theih dan kawng dap tûrin an ngen nawn leh tih an sawi. Supply Minister chuan Phuldungsei mipui ten ration card-a harsatna an tawh chungchangah hmalak a nih thu a lo hrilh niin MZP hruaitute chuan an sawi a. Chinfel vat a nih tur thu a lo hrilh niin an sawi bawk. Vawiin vek khan MZP hruaitute chuan Mizoram University (MZU) Registrar Prof. Lalnundanga pawh a pisa-ah hmuin, MZU hnuaia Professor, Associate Professor, Assistant Professor, Registrar leh Assistant Librarian, post 64 lak mekah ram leilungfate duhsak

#ZabilianZ Aug 12: Chief Minister leh Minister te Independence Day hmanna tur : 1. Lalduhoma, Chief Minister - Aizawl 2. K. Sapdanga - Siaha 3. Vanlalhlana - Lunglei 4. C. Lalsawivunga - Serchhip 5. Lalthansanga - Mamit 6. Dr. Vanlalthlana - Hnahthial 7. P.C. Vanlalruata - Champhai 8. Lalrinpuii - Lawngtlai Minister of State te Independence Day hmanna tur : 1. B. Lalchhanzova - Kolasib 2. Prof. Lalnilawma - Saitual 3. Lalnghinglova Hmar - Khawzawl

#ZabilianZ Aug 12: MPCC Treasurer Dr. Lalmalsawma Nghaka'n Mizoram sorkarin Sawhthing lei leh hralh chungchanga hmalak a tumdan thenkhat chu Sawhthing chingtute tan him lova an ngaih thu leh an hahthlawnna tur ni theia an hriat thu a sawi. MPCC Treasurer chuan vawiin khan Aizawl press club-ah thuthar thehdarhtute kawmin he thu hi a sawi a. Tunhnaiah Agriculture Minsiter leh Adviser to CM ten thlai thar lei dan tur chungchanga an thuchhuahah Sawhthing bik lei leh hralh chungchanga hmalak an tum dan thenkhat an tarlan chu tha lo an tih thu a sawi. Mizoram mipui ten ZPM-in Sawhthing leh thlai dang lei tura an intiamna an ngai thutak hle nia sawiin, MPCC Treasurer chuan ZPM-in thlai thlan bik an tih te chu chhungkaw tam takin an ching a, a khua khua a Sawhthing ching pawh an awm niin a sawi a. "ZPM sorkarin thlai thlan bik pali - Sawhthing, Aieng, Hmarcha leh Hmunphiah man man zawka te kuthnathawktu ten an hralh theihna tura large scale cultivation ruahmnna siama, survey mumal tak

#ZabilianZ Aug 12: Home Minister K. Sapdanga'n Ration Card, Assam ramri leh Airport chungchangah te thu belhchian dawllo hmanga mipui rilru hruaipen tumah eptu party te a puh a. "Mipui nuihzat leh rin loh an hlawh phah zual thei,” a ti. ZPM party chhung inkhawm vawiina neihah he thu hi K. Sapdanga chuan a sawi a. Eptu party ten ration card chungchanga mipui hriata an sawi dan chu a dik tawk lo nia sawiin, chhungkaw khawsak ziaawm zawk ration card var hmangtu ten sorkar atanga buhfai subsidy-a an leina man tihsannaah chhungkaw harsa zawk - ration card eng (yellow) leh ration card pawl (blue) hmangtute a huam lo niin a sawi. Supply Minister hmalaknain ration card siamthat hna kalpui mek a nih thu sawiin, K. Sapdanga chuan "chhungkaw khawsak harsa zawkte tan phurrit tur a awm lo,”a ti bawk.#zabilianz Ramri chungchangah tunhnaiah Assam lamin an duty camp bul leimin an thianfai a, hei hi eptu party lamin mipui tihthlabar nan an hmang niin K. Sapdanga chuan a sawi a. "Heti

#ZabilianZ Aug 12: MNF Legal Board chu tualchhung chanchinbu pakhat thu chhuah chungchangah vawiin khan AMC Ward VI bye-election atana Returning Officer Mark Lalthanliana hnenah an zualko. MNF Legal Board chuan August ni 9, 2024 khan tualchhung chanchinbu pakhat Vanglaini-ah AMC Ward VI bye-election lo awm tura MNF leh Congress party tangdun te candidate Lalrinfeli chu 'MNF candidate' tia tarlan a nih thu an sawi a. Hei hi diklo taka mipui rilru hruaikawi tumna nia sawiin, Lalrinfeli chu MNF candidate ni lovin Independent candidate, MNF leh Congress-in an thlawp a ni zawk niin an sawi. MNF Legal Board chuan MNF leh Congress party-in an thlawp candidate chungchang chu hre reng chunga ziak sual lui-ah Vanglaini chu an puh a. Tihdikna (corrigendum) siama, ngaihdam dilna anmahni chanchinbu ngeia chhuah tura thu pe turin Returning Officer chu an ngen a ni.#zabilianz #zofatehuapzo 

#ZabilianZ Aug 10: MNF thalaiin vawiin khan Phuldungsei khua tlawhin, tunhnaia Mizoram sorkarin Phuldungsei khuaa Mizoram ration card nei mi 85 a paih chungchangah khawtlang hruaitute kawmin, mi engemawzat thu an zawtfiah bawk. MNF thalai chuan Mizoram sorkarin Mizorama Adhaar Card nena Ration Card thlunzawm vek tawh Phuldungsei khaw mi 85 te chu Mizoram Ration Card an paihsak nia sawiin, demawm an tih thu an sawi a. "Hei hi sorkar lai ZPM party-in Mizo hnam rilru an put loh zia lanchianna a ni" tiin "Mizo hnam pawikhawihna a ni" an ti. He thil thleng an zirchianna atanga an thil hmuh sawiin, MNF thalai chuan Phuldungsei khuaa mi 85 te chu Mizorama Adhaar Card thlunzawm Ration Card nei vek an nih thu leh kumin April leh May 2024 thla ah an ration card te chu an hriatloha paihsak an nih thu an sawi a. Tripura sorkar-in an state a Adhaar nena an Ration Card thlunzawm chu an duh leh tum dan nia an hriat thu MNF thalai chuan sawiin, "Mizorama thlunzawm a nih avangi

#ZabilianZ Aug 10: ZPM party-in MNF Legislature Party-in press conference kovin Zoram mipui hriatah thu dik tawklo an pholang niin an sawi a, pawi an tih thu an sawi. MNF MLA ten buhfai man tihsân chungchânga sorkâr an dem chungchangah ZPM party chuan buhfai man tihsan chu MNF sorkar lai niin an sawi a. "Sorkâr hmasa hunlai May ni 2, 2023 ah State Purchasing Advisory Board (SPAB) kaltlang lovin, Chief Minister thu hmuin, dan lovin buhfai supply-na man uchuaka taka tihsan a ni" an ti a. "Buhfai chu quintal-ah Rs 3,025/- aṭangin Rs 3,400/- ah tihsan a ni" tiin, "Chief Minister-in a duhsak zâwng te dan lova buhfai supply-na man a tihsânsak avânga sorkârin sum a chawi belh chu quintal-ah Rs 375/- a ni" an ti. ZPM party chuan "sorkar tharah politician inrawlhlohna - State Purchasing Advisory Board (SPAB) kaltlangin Chief Secretary hova buhfai supply-tu thlan a ni" tiin, hei hi kalphung thar sorkar rah chhuah nia an hriat thu leh lawmawm an tih thu an

#ZabilianZ Aug 10: Joint NGO, Chawngte chu vawiin khan Community Service Center, Chawngte P-ah an thukhawm a. Sorkara an thu thlen-ah te tun thla ni 13 thlenga thu lawmawm an dawng lo a nih chuan Independence Day boycott an tum. Joint NGO, Chawngte chuan Chawngte CHC leh Police station-a thawktu leh an mamawh dang te dahbelhsak turin sorkar an ngen a, Chawngte Police Station-ah Police 8 dah belhsak ni mahse, PWD Minister hnena Chawngte khaw chhung kawng chungchang an thlenah te, Health Minister hnena Chawngte CHC-a thawktu leh hmanraw dang indaihlohna chungchang an thlenah te sorkar hmalakna duhthusam a la awmlo niin an sawi a. August ni 13, 2024 tlai dar 5 hmaa lehkha mai ni lo, a taka tihhlawhtlin a nih loh chuan, Independence Day boycott an tum thu an sawi. Joint NGO, Chawngte thukhawm hian Joint NGO Chairman, Secretary leh Treasurer te an ruat thar nghal a. Chairman atan Joseph Lalchhingpuia, Secretary atan Steven Lalramtluana leh Treasurer atan Sadan Bikash Chakma te an ruat. Chaw

#ZabilianZ Aug 08: Mizo Zirlai Pawl (MZP)-in Bangladesh-a a chhung te tlawha kal Zirsangliana chu August ni 5, 2024 khan a haw leh lam BSF-in nasa takin an nghaisa nia sawiin, hriatthiam har an tih thu an sawi a. BSF te chet duh dan chu an dem takzet tih an sawi. 20 Bn. BSF B.O.P Crocodile, Inspector Harish Sankar Rai leh a ho te chu ramria Zirsangliana an sawisak chhan sawifiah tura an duh thu MZP chuan an sawi a. Mizoram Police te pawh Zirsangliana FIR lo dawnsak duh lo mai ni lova, BSF lam ṭan ngar ngartua puhin, Mizoram Police hotu lian te pawh inenfiah tura an duh thu an sawi bawk. Hetih lai hian MZP hruaitute chu nimin khan Interim Chin National Consultative Council (ICNCC) hruaitute nen inkawmin, Zofa hnam peng hrang hrang inkara inhmuhthiamlohna awm thin pawi an tih thu an sawi a. Myanmar ram chhunga Chin State-a Zofa hnam hrang hrangte inkarah thawhhona ṭha a awm theihna tur leh inpumkhatna a awm theihna tura hmalakho zel dan tur te an sawiho.#zabilianz MZP chuan Chin State ch

#ZabilianZ Aug 08: Aizawl Municipal Corporation (AMC) Ward VI bye-election lo awm turah India rama rorellai pawl kaihhruaitu BJP chuan Chawnghmingthanga, Zarkawt, Aizawl chu an candidate a ni dawn tih vawiin khan an puang. BJP candidate hi vawiin chawhma dar 11:30 khan BJP Office, Atal Bhavan - Mipui Rùn, Aizawl-ah BJP, Mizoram State President Vanlalhmuaka'n a puang a. An candidate chu BJP, Aizawl District-a General Secretary nilai a ni tih a sawi. AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang.#zabilianz Tarlan tawh angin AMC Ward VI bye-election chuh tum te tan tun thla 8 chawhnu dar 3 thleng hming pekluh theih a ni a, a tuk ni 9 chawhnu dar 1 atanga dar 3 inkarah hming pekluh te chu endik a ni ang a, inhnukdawk leh duh te tan tun thla ni 12, chawhnu dar 1 thleng hun

#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi

#ZabilianZ Aug 05: Aizawl Municipal Corporation (AMC) Ward VI bye-elelction lo awm turah AMC-a rorel lai MNF leh Congress party an thawkdun dawn. Thudawn danin, MNF leh Congress party hian AMC Ward VI bye-election a an candidate ințawm tur hi zanin dar 8 ah Indoor stadium hall, Chanmari West-ah an puang dawn a. Thla liamta July ni 23 khan ZPM party-in an candidate an puang tawh bawk. AMC Ward VI bye--election atana MNF leh Congress party candidate ințawm puanna hun hi MNF General Secretary, MLA hlui C Lalmuanpuia'n kaihhruaiin MPCC Vice President, Minister hlui RL Valla"n candidate puangin campaign khuhhawnna hun a hmang nghal ang a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi ang.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator Pu John Zosangliana Ralte chuan kumin March thla khan chatuan ram a pan avanga a hmun ruak hnawhkhat tura bye-election hi buatsaih tur

#ZabilianZ Aug 03: Chemte-a naupang vau-a pawisa chhuhsaktu ni ngeia hriat, kum 20 mi Lalremruata, Electric Veng, Champhai, Vaivakawn, Aizawla awm mek nia inchhal chu vawiin khan Chhinga Veng-a thingpui dawr pakhatah man a ni. Vawiin chawhma dar 11 vel khan Dawrpui veng-ah mipa naupang pakhat dawra thil lei tur chu tlangval pakhatin chemtea vau-in pawisa a laksak a. CCTV atanga en a nih hnu ah naupang pawisa laksaktu thlalak chu social media lamah theh darha zawn zui nghal a ni. Pawikhawihtu ni ngeia hriat thlalak social media lama theh darh lo hmutu Chhinga veng mi ten chawhnu lamah chemte-a naupang vau-a pawisa laksaktu ni ngeia hriat chu thingpui dawr-ah hmuin, an man a, Police kutah an hlan ta a ni. Chemte-a naupang vau-a pawisa laksaktu ni ngeia hriat lo mantu Chinga veng mi te chuan, pawikhawihtu nia hriat chu an veng vela an lo hmuh fo tawh niin an sawi a. Vawiin lama a pawikhawih chungchang leh a thlalak chu Instagram lama an lo hmuh thu leh lo ringhlela lo hreng ta an nih thu