Syria rama harsatna tawk Mizo hmeichhe pathum hruai haw an ni - ZPM in sorkar hmalakna chhuanawm an ti


#ZabilianZ Aug 26: Syria rama hnathawka awm harsatna tawk Mizo hmeichhe pathumte chu hruai haw tura thla 4 dawn buaipui an nih hnuah tun thla ni 23, Zirtawpni khan Mizoram rawn thlenpui an ni.

Kumin May thla tir khan Mizoram Police chuan thuchhuah siamin Syria rama mi in-a hnathawk (housemaid) Mizo hmeichhe pathumin harsatna an tawh thu leh hruai haw tura hmalak a nih thu an lo puang tawh a. Hmeichhe pathum hruai haw tura hma latu Mizoram Police hnuaia CID Special Branch-in thla 4 dawn an buaipui hnuah August ni 22 khan Mizoram rawn thlenpui an ni a, tunah hian Aizawla hmun pakhatah an awm rih a; tunkarah hian an khaw lamah an haw tura ngaih a ni.

An hnathawhnaa harsatna tawk hruai haw kawnga hmalatu Police hotute chuan inhruai haw turin a kawng a thui hle niin an sawi a. Syria chu rambuai a nih avangin official in thil bawhzui a harsa hle nia sawiin, an ngen angin Syria, Damascus-a Indian Embassy-in an buaipui a, Mizo hmeichhia te leh anmahni ruaitute chu Syria-ah hian court-ah inkhingin, hmeichhe 3 te hian thiam an chang tih an sawi a. Hemi hnu hian Indian Embassy, Damascus-in hmeichhe pathum te hi an enkawl a, exit visa te an buaipui fel hnuah tun thla ni 20 khan Syria an chhuahsana, hemi ni vek hian India an rawn thleng niin an sawi.

Thudawn danin, hmeichhe pathum te hi E&K Agency, Vaivakawn ten ram pawna an thawn an ni a. Agency te hian Dubai-ah hnathawk turin an thawn a, thla 4 dawn hnathawh tur hmua lova an awm hnuah anmahni enkawltu Dubai-a Agency te chuan an duh lo chung Irag-ah thawn an tum a, chumi lamah chuan an kal tura ngaih a nih laiin Syria-ah tirh an ni a, November ni 6, 2022 khan Syria an thleng a ni.

Mizo hmeichhia te hi Syria-ah chuan mi in-ah awmin, housemaid hna an thawk a, in pakhat mai ni lo, in hrang hrangah hnathawka tirh kual an ni a. Anmahni chhawrtute chuan zing hma tak atanga chhawr tanin, zan lamah pawh hun reilote bak mutna hun an pe lova, ei tur mumal an pe lo bawk.

Hetih lai hian Mizorama rorellai, ZPM party chuan Syria-a harsatna tawk Mizo hmeichhe pathumte chu Mizoram sorkar hmalokna avanga Mizorama him taka hruai haw nia sawiin, Mizoram sorkar hmalakna chhuanawm an tih thu thuchhuah siamin an tarlang a. Mizo hmeichhe pathumin an hnathawhna Syria ramah harsatna an tawk tih sorkarin a hriat ve leh a rang thei ang bera hma la turin Chief Minister-in Mizoram Police thuneitute a hriattîr nghal a, Mizorama hruai haw an nih theihna turin May thla aṭang khan sorkarin theihtawp a lo chhuah tawh niin an sawi bawk. 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more