#ZabilianZ June 30: MNF President Zoramthanga'n Saitual-ah Remna Ni hmanpuiin, kum 1986 June ni 30-a MNF leh India sawrkar inremna chu Mizoram leh India ram inremna niin a sawi.
Zoramthanga chuan "indona a tel ve lo te aiawhin Pu Lalkhama'n a sign a, MNF zawng zawng aiawhin Pu Denga'n, a sign a, Indian aiawhin an sign bawk" ti a. "India aiawh, MNF aiawh, Mizo mipui aiawhin he remna hi sign a ni", a ti.
MNF President chuan "India leh keini ramhnuai sawrkar chhiat vanglai khan inremna siam ta ila, kan tlu pherh rang khawp ang" a ti a. "Kan chak vanglai tak ve ve in remna kan sign" tiin, "Mizoram UT chu state-ah hlankai a ni a, Article 371G pawh special provision a ni nghal a. He article 371G hi kan hnam dan, thubuai hla buaiah India Dan in a tihbuai ve theih loh a ni" a ti bawk.
Zoramthanga chuan "ram neitu nihna leh a behbawmah India parliament-in thuneihna a nei lo, Mizoram mipui chiahin kan nei thei" a ti a. "He special protection hi India ramah Nagaland nen chiah kan nei a, Nagaland chu kum 1962-ah khawngaih leh duhsak vanga a peka an pek a ni a, chhuhsak sela a zo der. Keini chu India article 371G hi a leia kan lei thlap a ni a, chhuhsak ngawt theih kan ni lo, min laksak dawn chuan kan pek tawh, silai chi hrang hrang leh kan thisen man te kha min pek let ve leh a ngai" a ti bawk a ni.#zabilianz #zabilianznews #zofatehuapzo
0 Comments