#ZabilianZ July 03: BJP Mizoram State President thar, Siaha bialtu MLA Dr K Beichhua-a'n vawiin khan Larsap General VK Singh hmuin, kawng hrang hranga Mizoram hmasawnna tura hmalakpui turin a sawm.
Dr K Beichhua chuan Mizoram chu state pachhia leh hnufual, kawng hrang hranga hmasawn mamawh a nih thu sawiin, ei leh bar zawn kawnga harsa tak takte hmakhawngaia hmalak a tul thu a sawi a. Mitinin an chanvo dik tak an chana, Mizoramin kawng hrang hranga hma a sawn theihna tura hmalakpui turin Larsap chu a sawm a ni.
Larsap General VK Singh pawhin BJP Mizoram State President thar Dr K Beichhua chu a lawmpui thu lo hrilhin, Mizoram hmasawnna tura theihtawp chhuaha thawhpuia, tandunpui a tum thu a lo hrilh a. Mizorama PM scheme hrang hrang kalpui dan leh hmalak dan te pawh a tul anga enpuia, a hlawhtlin theihna tura hmalak a tul thu leh hruikhat vuana thawhdun a tul thu a lo hrilh bawk.#zabilianz #zabilianznews #zofatehuapzo
0 Comments