#ZabilianZ July 14: MNF President Zoramthanga'n a chanchin ziahna lehkhabu 'From Rebel To Leader' tih chu khawvela publishing company lian ber pawl Penguin-in an chhuahsak tur thu a sawi.
MNF party chhung inkhawm vawiina neihah he thu hi MNF President chuan a sawi a. 'From Rebel To Leader' tichhuak turin Penguin nen inremna pawh an ziak tawh nia sawiin, a lehkhabu a chhuah hunah zalenna sual laia thil thlen dan dik tak a hriat theih dawn niin a sawi bawk.#zabilianznews
Zoramthanga chuan "kan sawrkar a, kan tla leh thin a, kan sawrkar leh thin a, kan insiamthat nan leh kan inzir fin nan kan tla thin te hi a tha a ni," a ti a. MNF chu Mizoramah political party 30 chuang ding tawh zinga tun thlenga hnam party la ding awm chhun nia sawiin, "Mizo Union leh PC te kha ral thei lo tura mawi an ni, an chak em em a. Mahse, an awm ta lo. MNF erawh kum 64 Pathianin min hruai ta a, kan chak zual zel a ni," a ti.
MNF dam khawchhuahna chu Lalpa rawngbawl tur leh ram leh hnam Pathian tana vawnghima, tihhmasawn nia sawiin, hei hi MNF zawng zawngin vawng reng tura a duh thu MNF President chuan a sawi a. "Mizo Nationalism hi Pathianin a tawp mai a phal lo. A sang tel nunna hlanna leh a sing tel tawrhna avanga lo piang Mizo Nationalism hi a vul zual zel dawn a ni," a ti bawk a ni.#zabilianz #zabilianznews #zofatehuapzo
0 Comments