Sawrkar sikul zirlai neih belh tam pahnihin cheng nuai 1 ve ve an dawng

#ZabilianZ July 15: Aizawl West I bialtu MLA, Adviser to CM ni bawk TBC Lalvenchhunga'n kumin academic year-a a bial chhunga school enrolment pung tam ber te hnenah MLA fund atangin lawmman a pe.

Aizawl West I bial chhunga Primary school zingah Govt. Primary School II, Sairang-ah enrolment za-a 24 a pungin he bial chhunga Primary School zingah enrolment punna sang ber an nih avangin bialtu MLA-in Rs. nuai 1 a hlan a. Middle school zingah Govt. Middle School-II, Tanhril-ah enrolment punna za-a 50 niin, he bial chhunga Middle School zingah enrolment punna sang ber an nih avangin bialtu MLA-in Rs. nuai 1 a hlan bawk.#zabilianznews 

TBC Lalvenchhunga chuan lawmman a siam chhan sawifiahin, a bial chhunga zirtirtute inkarah inelna thianghlim awm se a duh thu te, naupang school kallo te huikhawm a, school kaltir tura zirtirtu ten tan an lak theih nan leh sawrkar school, a phu tak tak ten inthawmthatna an neih theih nan tea buatsaih a nih thu a sawi.

He inelna tur hi academic year kalta tawp dawnah Education Dept kaltlangin a bial chhung school tin te hriattir an nih thu TBC Lalvenchhunga chuan a sawi a. Lawmman dawng tur pawh Education Dept admission information hmanga siam a nih thu a sawi bawk.#zabilianz #zabilianznews #zofatehuapzo