#ZabilianZ July 14: Home Minister K. Sapdanga'n kum khat lek chhungin an flagship programme an tihlawhtling nghal niin a sawi a. "Mahni flagship programme, sawrkar kum khatnaa bawhzui awmchhun chu ZPM sawrkar chauh hi a la ni,” a ti.
ZPM party chhung inkhawm, vawiina ZPM party office, Aizawla neihah he thu hi Pu K. Sapdanga chuan a sawi a. Sawrkar thar lakluh a nih rualin Chief Minister Pu Lalduhoma'n a minister ten ni 100 chhunga an thawh zawh tur a a siamsak nghal nia sawiin, hei hi ni 100 chhungin an zo thei niin a sawi bawk.#zabilianznews
Thlai thar leina tur sum budget-ah an dah nghal thu sawiin, "sawisel ngar ngartute sawhthing nen lam kan lei" Pu K. Sapdanga chuan a ti a. A kum khatnaah hmun 672 atangin sawhthing quintal nuai 3 vel an lei nia sawiin, cheng vaibelchhe 120 velin thingtlanga sawhthing chingtu kuthnathawktu chhungkaw sing hnih vel choka a thleng niin a sawi.
Technical problem avangin sawhthing hralhtute hnenah sum tlema zawng an la thun thei lo nia sawiin, Pu K. Sapdanga chuan, "reilote ah an thawh hah man an hmu ang" a ti a. Thalai ten an thiam zawng leh tui zawnga eizawnna bul an tanna turin hand holding scheme hmangin hma an la mek niin a sawi a. Chief Minister-in minister te tlawh kualin, an hmalak dan leh harsatna te a enpui thin nia sawiin, hei hi chhawmnun zel tlak nia a hriat thu a sawi.#zabilianznews
Miharsa zawk ten damdawi in-a a thlawna enkawlna an dawn theihna tur Mizoram Universal Health Care Scheme (MUHCS) tihlawhtling turin tlema khawsa thei deuh ten chhiatni fund thawh khawmin an luangchhuak mek niin Pu K. Sapdanga chuan a sawi a. Sawrkar hnathawkte leh private hospital-te nena thawhho dan kawng daptu review committee-in Health Care Scheme kalphung siamthat ngaite siamthain ngawrh takin an thawk mek niin a sawi bawk.
Heng bakah hian ruang phurh policy te, tar/rualbanlo/hmeithaite tanpuina (Old age pension) tihpun a nih thu te leh sawrkar hmalakna langsar dang engemawzat a sawi bawk a ni.#zabilianz #zabilianznews #zofatehuapzo
0 Comments