#ZabilianZ July 07: AMC Executive Corporator B. Lalawmpuii'n vawiin July ni 7, 2025 khan Ropuk Huan, Lawipu-ah MHIP Chhinga Veng Branch te MHIP day a hmanpui a. "Hmeichhe tha chuan chhungkaw tha a siam thin" a ti.
B. Lalawmpuii chuan ram leh hnam leh chhungkuaa hmeichhe pawimawhna sawiin, MHIP member te chu chhungkua, ram leh hnam tana hmeichhe tih tur leh mawhphurhna te hre thar leh turin a chah a. Hmeichhe tha chuan chhungkaw tha a siam thin tih a sawi.
Khawvel ram hrang hrang hruaitu zingah hmeichhia an awm thu leh India ram President pawh hmeichhia a nih thu sawi a. Mizoram rorelna sang bera hmeichhe MLA 3 awm te pawh an hlu in an chhuanawm a tih hmeichhia ten hre thar leh turin MHIP member te chu a chah bawk.
B. Lalawmpuii chuan ruihhlo hluar ta lutuk chu veiawm a tih thu sawiin, ruihlo-in a tihbuai te chhan chhuak tur leh tuam dam turin chhungkaw nu te an pawimawh hle tih a sawi a. "Kan in chhungkhurah theuh theihtawp chhuah i chhuah thar ang u" tiin MHIP member kalkhawm te chu a chah a ni.
MHIP day hi nimin - July ni 6 kha ni mahse, Pathianni a nih avangin Chhinga veng MHIP te hian vawiinah MHIP Day hi an hmang a ni.#zabilianz #zabilianznews #zofatehuapzo
0 Comments