Kan sawrkar chhung ngeia kawlphethaa intodelh hman kan tum :P&E Minister

#ZabilianZ July 07: Power & Electricity Minister Pu F. Rodingliana'n an sawrkar chhung ngeia kawlphethaa intodelh hman an tum thu a sawi.

ZPM party chhung inkhawm vawiina neihah he thu hi Pu F. Rodingliana chuan a sawi a. Electric bill an tihpun loh thu sawiin, a hun taka bill an pek avangin thla thum kalta chhung khan Rs. nuai 96 chuang rebate an dawng tawh niin a sawi.

Zan reia power hman loh chuangbang hralhchhuah atangin cheng vaibelchhe tam tak an hmu niin P&E Minister chuan a sawi a. "Electric bill tipung chuang lovin hek lovin kan kal thei a ni,” a ti.#zabilianznews

Tuirini SHP, megawatt 24 pechhuak thei tur panna kawng laih mek a nih thu pawh P&E Minister chuan sawiin, Tuivai SHP, megawatt 132 pechhuak thei tur chu tun thla chhung hian DPR peihfel tura ruahman a nih thu a sawi a. Thenzawl Solar plant (10MW) chu harsatna engemaw avanga an la hawn theih loh thu sawiin, a rang thei ang bera hawn tura hmalak mek a nih thu leh Sumsuih Solar plant(5MW) pawh tender tihfel tawh a nih thu a sawi.

P&E Minister chuan, billing software an hman lai chu  RDSS scheme hnuaia software thar chak zawk leh mipuite tana hman awlsam zawk tura thlak a nih thu leh khawl hlui atanga consumer data suanluh hna thawh mek a nih thu a sawi a. Hei vang hian meter reading pawh a hun taka lak theih a nih loh thu a sawi.#zabilianznews

Software thar chu smart meter hman hunah pawh hman chhunzawm zel tur a nih thu leh bill reading tlai avanga rate sang zawk anga mipuiin bill an chawi belh nia an inhriat thin te tihbo na turin ‘pro-rata’ hmangin bill hun dik taka bill anga siam vek a nih thu a sawi a. Thla hnih bill vawikhatah a kal avangin electric bill erawh a lang tam a, a rate tariff erawh a la ngai reng niin P&E Minister chuan a sawi bawk

Smart meter pawh Mizoram puma vuah vek turin RDSS scheme hnuaiah hmalak mek a nih thu Pu F. Rodingliana chuan a sawi a. June 2016 atanga hmalak, distribution transformer meter pawh Aizawl-ah 251 vuah tawh a nih thu a sawi. "Heng hna te hi zawhfel a nih hunah chuan electric bill chu tun hun (real time) a pek a ngai tawh dawn a, chumi tur chuan bill period pawh ‘pro-rata’ hmanga siamrem a ngai leh maithei," a ti bawk a ni.#zabilianz #zabilianznews #zofatehuapzo