Vantawng Group YMA-in Thenzawla Solar Plant panna kawng siamthat ni se an duh thu MSPMC-ah an thlen

#ZabilianZ July 15: Vantawng Group YMA leh a hnuaia Vigilance & Monitoring Sub-Committee hruaitu ten Thenzawla Solar Plant panna kawng tun aia tha zawka siam an duhthu Mizoram State Project Monitoring Committee (MSPMC)-ah an thlen.

MSPMC hian vawiin khan Thenzawla Solar Plant panna kawng siam mek chu endikin, Vantawng Group YMA leh a hnuaia Vigilance & Monitoring Sub-Committee hruaitute nen a panna kawng leh tuihawk luankawr chhe tawh siamthat ngai leh hmalakna tur te an sawiho a ni.#zabilianznews

Vantawng Group YMA leh a hnuaia Vigilance & Monitoring Sub-Committee hruaitute chuan solar plant panna kawng chu siamthat leh ngei ni se an duh thu MSPMC hnenah chuan an lo thlen a. MSPMC pawhin vawiina hnathawh an endik leh an hmuhdan te chu MSPMC Chairman, Chief Minister Lalduhoma hnenah an thlen tur thu an sawi.

MSPMC chuan Mizorama project hnathawh hrang hrangah quality control ngaihthah a ni thin nia sawiin, ngaihpawimawh ni thin se an duh thu an sawi a. P&E Department hotute pawhin kawng thalo chu siamthat a nih theihna tura an ngaihven zui tur thu an sawi bawk.#zabilianz #zabilianznews #zofatehuapzo