#ZabilianZ July 17: A chenna in-a mi kuttuara thi nia hriat Vanlalhnuna thihna chungchanga Police-in thu zawhfiah tura mi pahnih an lak te Court-a an inlan hnuah Jail-ah dah an ni.
Kum 51 mi, Vanlalhnuna, Bawngkawn veng, Aizawl chu nimin tlai dar 6:30 vel khan a chenna In-ah hliam tuara hmuh a nih hnu nizan dar 7 khan a thi a. Police hriattir niin, - Felix Lalthansanga (25), Vaivakawn leh Cindy Zoramchhani (21), Lengpui vengthar nia insawi te chu nizan la la khan an man.#zabilianznews
Bawngkawn Police Station atanga thudawn danin, he thil thleng avanga an mi man Felix Lalthansanga chuan Vanlalhnuna chu kut a thlak ngei niin Police hma-ah a sawi a. Nimin tlai lamah khan Vanlalhnuna In-ah Cindy Zoramchhani leh he in-a lo awm sa mipa dang pakhat te nen zu an inhova. A chhuahsan lawk hnua a let leh chuan a thiannu leh in neitu lo awm danin a thin tirim thutin a che ta mai niin a sawi.
He thil thleng hi an hriattir ve leh thil thlenna hmun chu an pan nghal tih Police hotute chuan sawiin, pawikhawihtua puh te pawh a kawt-ah an va nangching hman niin an sawi a. He thil thlengah hian finfiahna nei tha tawka an inhriat thu pawh sawiin, pawikhawihtua puh te chu Court-a an inlan hnuah Jail-ah thawn an nih thu an sawi bawk.#zabilianz #zabilianznews #zofatehuapzo
0 Comments