AMC Executive Council-in zirchian ngai zirchiangtu tur study team din

#ZabilianZ May 12, 2026: Aizawl Municipal Corporation (AMC) term 4-na atana Executive Council thutkhawm hmasaber chu vawiin khan Aizawl Mayor H. Lalremtluanga hova neih a ni a. AMC hnathawh hrang hranga hmasawnna tur leh mipui tana chhenfakawm zawka kalpui tura zirchian ngai te zirchiang turin study team din an rel.

AMC Executive Council thutkhawm hian AMC hmasawnna tura hmalakna tur hrang hrang leh felfai taka chak zawka hmalak dan tur te sawihovin, ruahmanna an siam a. Aizawl khawpui changkanna leh hmasawnna ruhrel hmel thar hmuh tur a awm zel theihna tura Ward Committee din dan tur leh chak zawka kalpui a nih theihna tur te, AMC tha a chak leh zual na tura Local Council te nena tha leh zuala thawhho dan tur te an sawiho bawk.

Joint Municipal Commissioner Lalremruata Kullai-in AMC dinhmun leh a hnathawh thin bakah, AMC-in dan leh hrai a kenkawh hrang hrang te a sawifiah a. He thutkhawmah hian Dy. Mayor R. Lalawmpuii bakah Executive Council Member – Christina Roluahpuii Sailo, Vanlalhruaia, Vanlalfaka, K. Lalrodinga, Joseph H. Lalramsanga, Municipal Commissioner leh AMC-a officer dang te an tel a ni.#zabilianz #zabilianznews #zofatehuapzo