Fisheries Dept. leh Central YMA thawkdun chhunzawm dawn

#ZabilianZ May 12, 2026: Fisheries Department leh Central YMA-in luidung humhalha thawkho chhunzawm turin thu an thlung thar leh a, vawiin khan Fisheries Minister Lalthansanga Pisa-ah an inremna thuthlung chu Fisheries Department aiawh leh Central YMA aiawh ten hming an ziahhnan.

Fisheries Dept. leh CYMA thawhdunna tur thuthlung hi Fisheries Dept. aiawhin Director Zonuntluangi’n hming a ziahhnan a, CYMA aiawhin President R. Lalngheta’n hming a ziahhnan thung.

Fisheries Minister Lalthansanga chuan Fisheries Dept. tan luidung zawng zawng vil a harsat thu sawiin, “kan rama tlawmngai pawl lian ber YMA ten kan luidung humhalh nachang hriaa, branch ten theihtawpa mahni huamchhungah hma an lo la thin hi a lawmawm hle a ni”, a ti a.  Lungrual taka Fisheries Dept. leh YMA te thawhhona chuan rah tha a lo chhuah tawh thin thu leh kum 2 an thawhho lehna turah Fisheries Acts leh Rules hnuaiah awmze nei leh tangkai zawka Mizoram luidung hausakna hman kawngah hma an sawn phah ngei a beisei thu a sawi bawk.

Fisheries Dept. leh CYMA hian kum 2021 atang khan kum hnih atan zel thawhhona thu an thlung a. Tunah hian a tum 3 na atan thu an thlung thar leh a ni.#zabilianz #zabilianznews #zofatehuapzo