Excise & Narcotics Dept. leh an thawhpui ten Methamphetamine mum nuai 1 an man

#ZabilianZ May 28, 2026: Excise & Narcotics Department, 23 Assam Rifles leh an thawhpui dang ten an thudawn bawhzuiin May ni 26, 2026 zan dar 11:10 khan AOC veng, Lawngtlai-ah Methamphetamine Kg 9 leh gram 807 (mum nuai 1) leh a neitu nia puh mi pahnih - Lalrammuana (47) leh Lalrinpuia (44), Armed Veng South, Aizawl-a cheng nia inchhal ve ve te an man.

Lalrammuana leh Lalrinpuia ten Methamphetamine phurhna atana an hman, Mahindra Bolero (MZ-06 4625) pawh hrensak nghal an ni a. Methamphetamine te hi Lalrammuana leh Lalrinpuia te hian Aizawl lam atanga lain, Lawngtlai-a hralhna tur an zawn mek lai niin an sawi.

Methamphetamine vanga man te hi NDPS Act tlawhchhana thubuai siamsak an ni a. District Court, Lawngtlai-ah hruai nghal an ni. Thiamloh an chang a nih chuan kum 10 atanga kum 20 Jail tang tur leh Rs. nuai 1 atanga nuai 2 thleng chawi tura hrem theih an nih thu Excise & Narcotics Department hotute chuan an sawi bawk.#zabilianz #zabilianznews #zofatehuapzo