Mizorama municipal awm te huam thin Councillor/Corporator hlui te intelkhawmna pawl FOCAM-in AMC Councillor/Corporator te chauh huam tawh dawn

#ZabilianZ May 27, 2026: Former Councillors/Corporators' Association of Mizoram Municipalities (FOCAM)-in vawiin khan Aijal Club-ah general body meeting vawi 6-na neiin, Mizorama Municipal awm te huam thin he pawl hian an dan her danglamin, AMC-a Councillor/Corporator-te chauh a huam tawh dawn a, an pawl hming pawh Former Corporators' Association of Aizawl Municipal Corporator (FOCAM) tiin an thlak.

FOCAM Secretary P.C Lalhmingthanga'n FOCAM-in Mizorama Municipal awm te a huam thin chu dan siamthat hnuah Aizawl Municipal Corporation-a Councillor/Corporator-te chauh huamtir a nih tak thu leh a hming pawh Former Corporators' Association of Aizawl Municipal Corporator (FOCAM) tia thlak a nih thu hi a sawi a. FOCAM-in thil tum leh dinchhan 7-a neih thu leh member 38 an awm mek thu a sawi.#zabilianznews 

FOCAM general body meeting hi AMC Councillor lo ni tawh, Minister C. Lalsawivunga'n telpuiin, ram thatna tur ngaihtuah leh hmasawnna kawnga ke pen chu mitin mawhphurhna a nih thu a sawi a. Inthliarbikna awm lova thawhho a tul thu sawiin, "hemi kawngah hian FOCAM chu hmasawnna atana pawl tangkai tak leh inlungrual tak a ni" a ti. 

C. Lalsawivunga chuan FOCAM chu Corporator-te a tul huna puitu ni thei tura inhawng turin a chah a. Mitin hmasawnna thlen thei tura ram hruaitute thawhpui zel turin a sawm bawk.#zabilianz #zabilianznews #zofatehuapzo