#ZabilianZ May 27, 2026: Nimin - May ni 26, 2026 zing lam dar 3 vela Chanmari veng, Aizawl-a insawisakrawnna thlenga inhnamhnawiha puh mi 5 te chu Police-in an man a, an zingah kumtlinglo 2 an tel.
He thil thleng avanga Police-in an man te hi - Lalrambeiseia Hrahsel (18), Samuel Lalhruaitluanga (18) leh Zodintluanga (18), Ramhlun North vek leh kumtlinglo pahnih an nih thu thudawnna chuan a sawi a. An zinga kum tling tawh te chu Court-a an inlan hnu-ah Court thupekin Jail-ah dah an ni a, an zinga pahnih kumtlinglo te chu Juvenile Justice Board kutah hlan an nih thu thudawnna chuan a sawi.
Police-in mi 5 an man te hian tunkar Thawhlehni - May ni 26, 2026 zing dar 3 vel khan kum 19 mi Vanlalbeiseia, Chanmari veng chu an sawisakrawn a. He thil thlen hma hian Bazar Bungkawn-ah an inhnial buai tawh a, Vanlalbeiseia leh a thianpa haw tur chu a sawisatute hian Chanmari venga Grand Hotel bulah lo changin an khawihrawn ta niin thudawnna chuan a sawi a ni.#zabilianznews
Sorkar lam thuneitute pawh theihtawp chhuah turin CYMA chuan a ngen a. Hetianga buaina a lo thlenin a hmutute chu a rang thei ang bera Police helpline no. 112 leh khawtlang hruaitute hriattir thuai thin turin an ngen a ni.
Ramhlun North Branch YMA pawhin he thil thleng hi pawi an tih thu leh zahthlak an tih thu thuchhuah siama tarlangin, hetiang thil a thlen tawhlohna tura a tul anga hma an lak tur thu an tarlang a. He thil thlenga inhnamhnawih nia hriat, an veng mi Lalrambeiseia Hrahsel, Samuel Lalhruaitluanga leh Zodintluanga te bakah kumtlinglo pahnih te thil tih chu zahthlak an tih thu sawiin, an dem takzet tih an sawi a. "Hetiang thil hi tu te chungahmah thleng tawhlo se, a tihremna tur kawngah a tul angin hma kan la dawn a ni" an ti a. He pawikhawihna tuartu pawh an tawrhpui thu leh dam tha leh thuai tura an duh thu an thuchhuahah chuan an tarlang bawk.#zabilianz #zabilianznews #zofatehuapzo
0 Comments